शिवाजी विद्यापीठाच्या कुलगुरूपदी डॉ. रजनीश कामत; उद्या पदभार स्वीकारणार
डॉ. कामत हे सध्या होमी भाभा राज्य विद्यापीठाचे पूर्णवेळ कुलगुरू म्हणून कार्यरत आहेत. त्यांच्याकडे यापूर्वी लोणेरे येथील Dr. Babasaheb Ambedkar Technological University च्या प्रभारी कुलगुरूपदाची अतिरिक्त जबाबदारीही सोपविण्यात आली.
eduvarta@gmail.com 
एज्युवार्ता न्यूज नेटवर्क
मुंबई येथील Homi Bhabha State University चे कुलगुरू डॉ. रजनीश कामत यांची कोल्हापूर येथील Shivaji University च्या कुलगुरूपदी नियुक्ती करण्यात आली आहे. राज्यपाल कार्यालयाकडून त्यांच्या नियुक्तीची अधिकृत घोषणा करण्यात आली असून नियुक्तीचे पत्र मिळाले असल्याचे काम यांनी 'एज्युवार्ता' शी बोलताना सांगितले.तसेच उद्या 22 मे रोजी कुलगुरू पदाचा पदभार स्वीकारण्यासाठी जाणार असल्याचेही कामत यांनी सांगितले.
डॉ. कामत हे सध्या होमी भाभा राज्य विद्यापीठाचे पूर्णवेळ कुलगुरू म्हणून कार्यरत आहेत. त्यांच्याकडे यापूर्वी लोणेरे येथील Dr. Babasaheb Ambedkar Technological University च्या प्रभारी कुलगुरूपदाची अतिरिक्त जबाबदारीही सोपविण्यात आली. विद्यापीठाचे कुलगुरू डॉ. कारभारी काळे यांनी अचानक राजीनामा दिल्यानंतर ही जबाबदारी त्यांच्याकडे देण्यात आली होती.
तसेच मार्च २०२४ ते ऑक्टोबर २०२५ या कालावधीत त्यांनी मुंबईतील Sir J. J. School of Art, Architecture and Design Deemed University च्या प्रभारी कुलगुरूपदाची धुरा सांभाळली होती. याशिवाय ५ मे ते ६ ऑगस्ट २०२३ या कालावधीत सोलापूर येथील Punyashlok Ahilyadevi Holkar Solapur University च्या प्रभारी कुलगुरूपदाची जबाबदारीही त्यांनी पार पाडली होती.
महाराष्ट्राचे तत्कालीन राज्यपाल व विद्यापीठांचे कुलपती Bhagat Singh Koshyari यांनी ३ ऑगस्ट २०२२ रोजी डॉ. कामत यांची Homi Bhabha State University च्या कुलगुरूपदी नियुक्ती केली होती. राज्यातील पहिले क्लस्टर विद्यापीठ म्हणून ओळखल्या जाणाऱ्या या विद्यापीठाच्या अखत्यारीत Elphinstone College, Sydenham College, सेकंडरी ट्रेनिंग कॉलेज आणि Institute of Science यांचा समावेश आहे.
विशेष म्हणजे, होमी भाभा राज्य विद्यापीठाच्या कुलगुरूपदाचा कार्यकाल पूर्ण होण्यापूर्वीच त्यांची शिवाजी विद्यापीठाच्या कुलगुरूपदी नियुक्ती करण्यात आली आहे.
डॉ. कामत यांनी यापूर्वी शिवाजी विद्यापीठात इलेक्ट्रॉनिक्स विषयाचे वरिष्ठ प्राध्यापक तसेच विज्ञान व तंत्रज्ञान विद्याशाखेचे प्रभारी अधिष्ठाता म्हणून काम केले आहे. त्यांनी शिवाजी विद्यापीठातून इलेक्ट्रॉनिक्स विषयात एम.एस्सी. पदवी प्राप्त केली असून Goa University मधून पीएच.डी. पूर्ण केली आहे. अध्यापन, संशोधन आणि प्रशासन क्षेत्रातील त्यांचा प्रदीर्घ अनुभव लक्षात घेऊन त्यांची ही नियुक्ती महत्त्वपूर्ण मानली जात आहे.
डॉ कामत यांनी शिवाजी विद्यापीठातून इलेक्ट्रॉनिक्स विषयात एम.एससी. तसेच गोवा विद्यापीठातून पीएच.डी. प्राप्त केली असून त्यांना अध्यापन, संशोधन व प्रशासनाचा व्यापक अनुभव आहे. डॉ कामत यांच्या २११ संशोधन पत्रिका आंतरराष्ट्रीय जर्नल्समध्ये प्रसिद्ध झाल्या असून त्यांची १६ पुस्तके देखील प्रकाशित झाली आहेत. त्यांना अध्यापन, संशोधन तसेच प्रशासन क्षेत्रात व्यापक अनुभव आहे.
शिवाजी विद्यापीठाच्या कुलगुरुंच्या निवडीसाठी राज्यपालांनी कोईम्बतूर येथील भारतीय विद्यापीठाच्या गणित विभागाचे प्राध्यापक आणि विभागप्रमुख (निवृत्त) डॉ. पी. कंदास्वामी यांच्या अध्यक्षतेखाली निवड समिती गठीत केली होती. महात्मा गांधी चित्रकूट ग्रामोदय विद्यापीठाचे (मध्य प्रदेश) माजी कुलगुरू प्रा. एन.सी. गौतम हे या समितीवर विद्यापीठ अनुदान आयोगाचे (UGC) प्रतिनिधी होते.
इंदोर येथील भारतीय तंत्रज्ञान संस्थेचे संचालक डॉ. सुहास जोशी आणि उच्च व तंत्रशिक्षण विभागाचे अतिरिक्त मुख्य सचिव बी. वेणुगोपाल रेड्डी हे समितीचे अन्य सदस्य होते.
