Engineeringचे प्रवेश वेळेतच होणार; सीईटी सेलचा खुलासा
NEET परीक्षा २०२६ चे गुण केवळ Agriculture Engineering , Biotechnology , Food Engineering , Leather Technology , Packaging Technology , Pharmaceutical Engineering , Printing Engineering , Fashion Technology , Textile Chemistry या ९ अभ्यासक्रमाच्या प्रवेशासाठी ऑल इंडिया कोटा (१५%) ग्राह्य धरण्यात येतात.
eduvarta@gmail.com 
एज्युवार्ता न्यूज नेटवर्क
'NEET' मुळे राज्यातील अभियांत्रिकी आणि औषधनिर्माण प्रवेशाला फटका बसण्याचे किंवा प्रवेश रखडणार असे वृत्त प्रसिद्ध झाले. मात्र, महाराष्ट्र राज्य सामाईक प्रवेश परीक्षातर्फे याबाबत खुलासा करण्यात आला आहे. NEET परीक्षा २०२६ चे गुण केवळ Agriculture Engineering , Biotechnology , Food Engineering , Leather Technology , Packaging Technology , Pharmaceutical Engineering , Printing Engineering , Fashion Technology , Textile Chemistry या ९ अभ्यासक्रमाच्या प्रवेशासाठी ऑल इंडिया कोटा (१५%) ग्राह्य धरण्यात येतात. त्यामुळे हे ९ अभ्यासक्रम राज्यातील फक्त १७ शासनमान्य संस्थांमध्येच आहेत. त्यामुळे हे अभ्यासक्रम सोडून अभियांत्रिकीच्या सर्व अभ्यासक्रमाचे प्रवेश वेळापत्रकानुसार होतील,असे सीईटी सेलतर्फे स्पष्ट करण्यात आले आहे.
अखिल भारतीय तंत्रशिक्षण परिषद, नवी दिल्ली यांनी निर्धारित केलेल्या वेळापत्रकानुसार राज्यातील तांत्रिक व्यावसायिक अभियांत्रिकी अभ्यासक्रमाची प्रवेश प्रक्रिया राबविण्यात येत असते. या अखिल भारतीय तंत्रशिक्षण परिषदेकडून जाहीर होणाऱ्या वेळापत्रकानुसार प्रवेश प्रक्रिया आयोजित करण्यात येतील.
NEET पुनर्परीक्षा २०२६ चा निकाल लागण्याकरिता विलंब झाल्यास वरील नऊ अभियांत्रिकी अभ्यासक्रमाच्या प्रवेशासाठी NEET परीक्षेतील गुणांच्या आधारे प्रवेश देण्यात येतो, अशा १५% अखिल भारतीय कोट्यातील जागांचा समावेश न करता त्या जागा वगळून उर्वरित जागांवरील प्रवेश प्रक्रिया वेळेत सुरू करण्यात येतील.
त्यामुळे अभियांत्रिकी अभ्यासक्रमास प्रवेश घेऊ इच्छिणाऱ्या विद्यार्थी व पालकांनी प्रवेश प्रक्रियेबाबतचा संभ्रम बाळगू नये, असे आवाहन सीईटी कक्षाच्या वतीने करण्यात येत आहे.
