नीट यूजी प्रकरण बंद; केंद्राकडून पॅनेलच्या सूचना लागू करण्याचे आश्वासन
भारतीय अंतराळ संशोधन संस्थेचे (इस्रो) माजी प्रमुख के राधाकृष्णन यांच्या अध्यक्षतेखालील सात सदस्यीय तज्ज्ञ समितीचा कार्यकाळ वाढवण्यात आला आहे.
eduvarta@gmail.com 
एज्युवार्ता न्यूज नेटवर्क
केंद्र सरकारने (Central government) त्यांच्या तज्ज्ञ पॅनेलने सुचवलेल्या परीक्षा सुधारणांची अंमलबजावणी करण्याचे आश्वासन दिल्यानंतर, सर्वोच्च न्यायालयाने NEET-UG प्रकरण बंद केले आहे. (Supreme Court has closed the NEET-UG case) गेल्या वर्षी NEET-UG आयोजित करणार्या राष्ट्रीय चाचणी संस्थेच्या (NTA) कार्यपद्धतीशी संबंधित खटल्यावर सोमवारी सर्वोच्च न्यायालयाने निर्णय दिला.
न्यायमूर्ती पी एस नरसिंहा आणि जयमाल्या बागची यांच्या खंडपीठाने या मुद्द्यावरील केंद्राच्या अनुपालन अहवालाची आणि त्यांचे सॉलिसिटर जनरल तुषार मेहता यांच्या युक्तिवादांची दखल घेतली आणि याचिका निकाली काढली.
मेहता म्हणाले की, केंद्राने सात सदस्यांच्या पॅनेलच्या एक वगळता बाकी सर्व सूचना स्वीकारल्या आहेत. एनटीएद्वारे NEET परीक्षा ऑनलाइन आयोजित करण्याची सूचना केंद्राने नाकारली आहे. "भारतभरात २६ लाखांहून अधिक विद्यार्थी NEET परीक्षा देतात. ही परीक्षा ऑनलाइन घेण्यासाठी सरकारला इंटरनेट आणि संगणकांची उपलब्धता सुनिश्चित करावी लागेल. त्यासाठी थोडा वेळ लागेल," असा युक्तिवाद मेहता यांनी केला.
दरम्यान भारतीय अंतराळ संशोधन संस्थेचे (इस्रो) माजी प्रमुख के राधाकृष्णन यांच्या अध्यक्षतेखालील सात सदस्यीय तज्ज्ञ समितीचा कार्यकाळ वाढवण्यात आला आहे. एनटीएच्या कामकाजाचा आढावा घेण्यासाठी आणि नीट-यूजी (अंडरग्रेजुएटसाठी राष्ट्रीय पात्रता सह प्रवेश परीक्षा) पारदर्शक आणि गैरप्रकारांपासून मुक्त करण्यासाठी हा निर्णय घेण्यात आला आहे.
