KIIT मधील नेपाळी विद्यार्थिनीच्या आत्महत्येनंतर दोन्ही देशांमधील वातावरण तापले
विद्यपीठाने या नेपाळी विद्यार्थ्यांना कटक भुवनेश्वर रेल्वे स्थानकांवर सोडून दिले आहे. अनेक विद्यार्थ्यांनी असा दावा केला की त्यांना पुरी-पाटणा ट्रेनमध्ये आरक्षणाशिवाय बळजबरीने चढवण्यात आले आहे. दरम्यान, मृत विद्यार्थिनीच्या चुलत भावाने भुवनेश्वरमधील इन्फोसिटी पोलिस स्टेशनमध्ये तक्रार दाखल केली आहे. त्याच विद्यापीठातील एक विद्यार्थी त्याच्या बहिणीला ब्लॅकमेल करत असल्याचा आरोप त्याने केला आहे.
eduvarta@gmail.com 
एज्युवार्ता न्यूज नेटवर्क
ओडिसा (Orisa) येथील 'कलिंगा इन्स्टिट्यूट ऑफ इंडस्ट्रियल टेक्नॉलॉजी' (Kalinga Institute of Industrial Technology) KIIT मधील एका नेपाळी विद्यार्थिनीच्या आत्महत्येच्या (Nepali students suicide) प्रकरणामुळे, भारत आणि नेपाळ दोन्ही देशांमधील वातावरण तापल्याचे चिन्ह आहे. नेपाळचे पंतप्रधान केपी शर्मा ओली यांनी नेपाळ दूतावासातील दोन अधिकाऱ्यांना ओडिसाला पाठवले आहे. तर दुसरीकडे विद्यार्थ्याच्या मृत्यूनंतर संतप्त विद्यार्थ्यांनी कॅम्पसमध्ये निदर्शने केली, त्यानंतर कॉलेज व्यवस्थापनाने जबरदस्तीने नेपाळी विद्यार्थ्यांना कॅम्पसमधून बाहेर काढले.
यासंदर्भात नेपाळच्या पंतप्रधानांनी सोशल मीडियावर लिहिले की, 'सरकार राजनैतिक माध्यमातून संबंधित अधिकाऱ्यांच्या संपर्कात आहे. आम्ही नेपाळी विद्यार्थ्यांना मदत करण्यासाठी नवी दिल्लीतील दूतावासातून दोन अधिकारी पाठवले आहेत. आमच्या विद्यार्थ्यांना त्यांच्या आवडीनुसार वसतिगृहात राहण्याचा किंवा घरी परतण्याचा पर्याय उपलब्ध असेल यासाठी आम्ही प्रयत्न करत आहोत.'
विद्यापीठाने या नेपाळी विद्यार्थ्यांना कटक भुवनेश्वर रेल्वे स्थानकांवर सोडून दिले आहे. अनेक विद्यार्थ्यांनी असा दावा केला की त्यांना पुरी-पाटणा ट्रेनमध्ये आरक्षणाशिवाय बळजबरीने चढवण्यात आले आहे. दरम्यान, मृत विद्यार्थिनीच्या चुलत भावाने भुवनेश्वरमधील इन्फोसिटी पोलिस स्टेशनमध्ये तक्रार दाखल केली आहे. त्याच विद्यापीठातील एक विद्यार्थी त्याच्या बहिणीला ब्लॅकमेल करत असल्याचा आरोप त्याने केला आहे. यामुळेच तिने रविवारी वसतिगृहात आत्महत्या केली, असा दावा तक्रारदाराकडून करण्यात आला आहे.
या संदर्भात माहिती देताना भुवनेश्वरचे डीसीपी पिनाक मिश्रा म्हणाले, "आरोपी विद्यार्थी ताब्यात आहे. त्याची चौकशी सुरू आहे. रविवारी विमानतळावर पळून जाण्याचा प्रयत्न करताना त्याला पकडण्यात आले. पोलिसांनी मृत विद्यार्थिणीची खोली सील केली आहे. पालक येईपर्यंत मृतदेह शवगृहात ठेवण्यात आला आहे. "
या संदर्भात माहिती देताना भुवनेश्वरचे डीसीपी पिनाक मिश्रा म्हणाले, "आरोपी विद्यार्थी ताब्यात आहे. त्याची चौकशी सुरू आहे. रविवारी विमानतळावर पळून जाण्याचा प्रयत्न करताना त्याला पकडण्यात आले. पोलिसांनी मृत विद्यार्थिणीची खोली सील केली आहे. पालक येईपर्यंत मृतदेह शवगृहात ठेवण्यात आला आहे. "
विद्यार्थी आणि सुरक्षारक्षकांमधील हाणामारीचे आणि संस्थेचे अधिकारी निदर्शक विद्यार्थ्यांना धमकावतानाचे अनेक व्हिडिओही व्हायरल होत आहेत. दरम्यान, कॅम्पसमध्ये मोठ्या प्रमाणात पोलिस तैनात करण्यात आले आहेत. हे प्रकरण चिघळत असताना विद्यापीठाचे कुलसचिव जे.आर.मोहंती म्हणाले की, "आम्ही सर्व नेपाळी विद्यार्थ्यांना परत येऊन वर्ग पुन्हा सुरू करण्याचे आवाहन करतो."
