SSC GD : जीडी कॉन्स्टेबल परीक्षेचे वेळापत्रक प्रसिद्ध, या तारखेपासून सुरू होणार परिक्षा 

एज्युवार्त न्यूज नेटवर्क 

कर्मचारी निवड आयोगाने (SSC) जीडी कॉन्स्टेबल (GD Constable) भरती परीक्षेचे वेळापत्रक जाहीर (Schedule Announced) केले आहे. ज्या उमेदवारांनी एसएससी जीडी कॉन्स्टेबल पदांसाठी नोंदणी केली आहे, अशी लाखो तरुण या परीक्षेच्या तारखांची आतुरतेने वाट पाहत होते. एसएससीच्या अधिकृत अधिसूचनेनुसार, जीडी कॉन्स्टेबल परीक्षा २७ एप्रिल ते ३० मे दरम्यान (Exams from April 27 to May 30) घेतली जाईल. ही परीक्षा देशभरातील विविध परीक्षा केंद्रांवर घेतली जाणून असून परीक्षेच्या काही दिवस आधी उमेदवारांना प्रवेशपत्र दिली जाणार असल्याचे सांगण्यात आले आहे. 

या भरती परीक्षेद्वारे एकूण २५ हजार ४८७ जीडी कॉन्स्टेबल पदे भरली जातील, ज्यामध्ये सर्वसाधारण पुरुष उमेदवारांसाठी १० हजार १९८, ईडब्ल्यूएस उमेदवारांसाठी २ हजार ४१६, ओबीसी पुरुष उमेदवारांसाठी ५ हजार ३२९, एससी प्रवर्गासाठी ३ हजार ४३३ आणि एसटीसाठी पुरुष उमेदवारांसाठी २ हजार ९१ जागा राखीव आहेत. 

या व्यतिरिक्त, सर्वसाधारण महिला उमेदवारांसाठी एकूण ९०४ पदे, आर्थिकदृष्ट्या दुर्बल घटकांसाठी एकूण १८९ पदे, इतर मागासवर्गीय महिलांसाठी एकूण ४३६ पदे, अनुसूचित जाती महिलांसाठी एकूण २६९ पदे आणि अनुसूचित जमाती महिला उमेदवारांसाठी एकूण २२२ पदे राखीव आहेत. एसएससी जीडी कॉन्स्टेबल परीक्षेचे प्रवेशपत्र परीक्षेच्या काही दिवस आधी प्रसिद्ध करेल. उमेदवार अधिकृत वेबसाइटला भेट देऊन आपले प्रवेशपत्र मिळवू शकतात.