जेईई मेन परीक्षेची 'फायनल अन्सर की' प्रसिद्ध, सोबतच AIR लिस्टही जाहीर
जेईई मेन ही देशातील सर्वात प्रतिष्ठित अभियांत्रिकी प्रवेश परीक्षांपैकी एक आहे. दरवर्षी लाखो विद्यार्थी देशातील नामांकित अभियांत्रिकी संस्थांमध्ये प्रवेश मिळवण्याच्या आशेने ही परीक्षा देतात.
eduvarta@gmail.com 
एज्युवार्ता न्यूज नेटवर्क
देशभरातील लाखो विद्यार्थ्यांची प्रतीक्षा अखेर संपली आहे. नॅशनल टेस्टिंग एजन्सीने (NTA) जेईई मेन २०२६ (JEE Main 2026) सत्र 2 ची अंतिम अन्सर की प्रसिद्ध (Answer Kay release) केली आहे. परीक्षा दिलेले उमेदवार आता jeemain.nta.nic.in या अधिकृत वेबसाइटला भेट देऊन उत्तरतालिका डाउनलोड करू शकतात. निकालासोबत NTA ने अखिल भारतीय रँक (AIR) देखील जाहीर केली आहे.
जेईई मेन ही देशातील सर्वात प्रतिष्ठित अभियांत्रिकी प्रवेश परीक्षांपैकी एक आहे. दरवर्षी लाखो विद्यार्थी देशातील नामांकित अभियांत्रिकी संस्थांमध्ये प्रवेश मिळवण्याच्या आशेने ही परीक्षा देतात. उत्तरपत्रिकेबाबत विद्यार्थ्यांनी उपस्थित केलेल्या आक्षेपांचा आढावा घेतल्यानंतर, NTA ने अंतिम उत्तरपत्रिका तयार केली आणि त्याच्या आधारे निकाल जाहीर केले. याचा अर्थ असा की, आता दर्शविलेले गुण अंतिम मानले जातील.
निकाल जाहीर होताच, लाखो विद्यार्थी एकाच वेळी वेबसाइटवर लॉग इन करतील, ज्यामुळे सर्व्हर डाऊन होऊ शकतो. विद्यार्थ्यांना वेबसाइट काही अडचण येत असल्यास, घाबरू नका. थोड्या वेळाने पुन्हा प्रयत्न करा. तुमचा निकाल फक्त अधिकृत वेबसाइटवरच तपासा आणि अफवांवर विश्वास ठेवू नका. उमेदवारांना धीर धरून योग्यरित्या लॉग इन करून आपला निकाल तपासण्याचा सल्ला देण्यात आला आहे.
