न्यू आर्ट्स कॉलेजला विद्यापीठाकडून ‘अधिकारप्रदत्त स्वायत्त महाविद्यालयाचा’ दर्जा
महाराष्ट्र सार्वजनिक विद्यापीठ कायद्यातील तरतुदींनुसार शैक्षणिक गुणवत्ता, पायाभूत सुविधा आणि प्रशासकीय कार्यक्षमतेच्या आधारे हा बहुमान देण्यात आला आहे, महाविद्यालयाचे प्राचार्य डॉ.बाळासाहेब सागडे यांच्या नेतृत्वाखाली महाविद्यालयाची यशस्वी वाटचाल सुरू आहे.
Eduvarta
अहमदनगर जिल्हा मराठा विद्या प्रसारक समाजाच्या न्यू आर्ट्स, कॉमर्स अँड सायन्स कॉलेजच्या (स्वायत्त) शैक्षणिक वाटचालीत आणखी एक अत्यंत महत्त्वाचा मैलाचा दगड रोवला गेला आहे. सावित्रीबाई फुले पुणे विद्यापीठाकडून महाविद्यालयास ‘अधिकारप्रदत्त स्वायत्त महाविद्यालय’ (Empowered Autonomous College) हा विशेष दर्जा बहाल करण्यात आला आहे. महाराष्ट्र सार्वजनिक विद्यापीठ कायद्यातील तरतुदींनुसार शैक्षणिक गुणवत्ता, पायाभूत सुविधा आणि प्रशासकीय कार्यक्षमतेच्या आधारे हा बहुमान देण्यात आला आहे, महाविद्यालयाचे प्राचार्य डॉ.बाळासाहेब सागडे यांच्या नेतृत्वाखाली महाविद्यालयाची यशस्वी वाटचाल सुरू आहे.
सागडे म्हणाले की , अहमदनगर जिल्हा विद्या प्रसारक समाज या संस्थेच्या सर्व पदाधिकाऱ्यांच्या मार्गदर्शनाखाली महाविद्यालयाची यशस्वी वाटचाल सुरू आहे.Empowered Autonomous College चा दर्जा मिळणे म्हणजे महाविद्यालयाच्या शिरपेचात आणखी एक मानाचा तुरा रोवल्या सारखे आहे
या दर्जामुळे शैक्षणिक स्वातंत्र्य मिळाले असून विद्यापीठाची संलग्नता कायम राहून महाविद्यालयाला नवीन अभ्यासक्रम सुरू करणे, अद्ययावत बदल करणे आणि कौशल्यधिष्ठित शिक्षणाला चालना देण्याचे व्यापक अधिकार मिळतील. तसेच विद्यार्थ्यांच्या पदवी प्रमाणपत्रावर विद्यापीठाच्या नावाबरोबरच महाविद्यालयाचे नाव व बोधचिन्ह छापले जाणार आहे. त्याचप्रमाणे उद्योग-शिक्षण संस्था सहकार्य (Industry-Academia Collaboration), संशोधन आणि नवोपक्रमाला मोठी गती मिळणार आहे. आता केंद्र व राज्य सरकारच्या विविध शैक्षणिक योजनांमध्ये महाविद्यालयाला विशेषाधिकार व प्राधान्य प्राप्त होईल, असे डॉ बाळासाहेब सागडे यांनी सांगितले. महाविद्यालयाच्या या यशाचे सावित्रीबाई फुले पुणे विद्यापीठ तसेच तीन ही जिल्ह्यात महाविद्यालयाचे अभिनंदन होत आहे.
महाविद्यालयाने यापूर्वी ‘नॅक’ मूल्यांकनात ‘A. + +दर्जा, एनएसएसचा इंदिरा गांधी पुरस्कार, विद्यापीठाचा दोन वेळा ‘बेस्ट कॉलेज’ पुरस्कार तसेच यूजीसी आणि केंद्र सरकारच्या विविध योजना यशस्वीपणे राबवल्या आहेत.
राष्ट्रीय शैक्षणिक धोरण (NEP-2020) ची प्रभावी अंमलबजावणी करत महाविद्यालयाने पदवीचे चौथे वर्ष सुरू केले असून, Apprenticeship Embedded Degree Programme अंतर्गत प्रत्यक्ष औद्योगिक प्रशिक्षण देणारे बी . ए लोकप्रशासन, वाईन टेक्नॉलॉजी, हॉस्पिटॅलिटी स्टडीज आणि अकाउंटिंग हे चार नवे अभ्यासक्रम सुरू केले आहेत. याशिवाय, नाट्यशास्त्र, संगीत आणि AICTE मान्यताप्राप्त BBA व BCA या अभ्यासक्रमांनाही राज्यभरातून मोठा प्रतिसाद मिळत आहे.
या देदिप्यमान यशाबद्दल संस्थेचे अध्यक्ष श्री. रा. ह. दरे, उपाध्यक्ष डॉ. विवेक भापकर, सचिव अॅड. विश्वासराव आठरे पाटील, सहसचिव श्री मुकेश दादा मुळे, खजीनदार अॅड. दीपलक्ष्मी म्हसेसंस्थेचे जेष्ठ विश्वस्त श्री जी.डी. खानदेशे, श्री चंद्रकांत मोरे ,श्री नंदकुमार झावरे,श्री सीताराम खिलारी, श्री जयंत वाघ , गव्हर्निंग कौन्सिल चे सर्व सदस्य,संचालक डॉ बी .एच झावरे,प्राचार्य डॉ. बाळासाहेब सागडे यांनी सर्व प्राध्यापक, प्रशासकीय सेवक व विद्यार्थ्यांचे अभिनंदन केले.या वेळी माननीय कुलगुरूडॉ. सुरेश गोसावी ,, प्र.कुलगुरू डॉ पराग काळकर, यांचे ही संस्थेने आभार मानले.हा दर्जा म्हणजे महाविद्यालयाच्या भविष्यातील शैक्षणिक उत्कृष्टतेच्या नव्या पर्वाची सुरुवात असल्याचे मत संस्थेच्या पदाधिकाऱ्यांनी व्यक्त केले.या पुढील काळात अधिक अधिक गुणवत्ता वाढवण्यासाठी प्रयत्न केला जाईल असे त्यांनी सांगितले.
