मुंबई विद्यापीठाच्या अभ्यासक्रमात नागरी संरक्षण अभ्यासक्रमाचा होणार समावेश
मुंबई विद्यापीठाशी संलग्न सर्व अभियांत्रिकी महाविद्यालयांमध्ये हा अभ्यासक्रम चालवला जाईल आणि त्याचे वजन २५ गुण असेल. शिक्षण सुरू ठेवत देशाची सेवा करण्याची इच्छा असलेल्या विद्यार्थ्यांना या अभ्यासक्रमाद्वारे एक मौल्यवान संधी मिळेल, अशी माहिती प्रभात कुमार यांनी दिली.
eduvarta@gmail.com 
एज्युवार्ता न्यूज नेटवर्क
भारत पाकिस्तान यांच्यात सुरू निर्माण झालेल्या तणावपूर्ण परिस्थितीच्या पार्श्वभूमीवर मुंबई विद्यपीठाकडून महत्वाचा निर्णय घेण्यात आला आहे. विद्यापीठाच्या अभ्यासक्रमात नागरी संरक्षण अभ्यासक्रमाचा समावेश करण्याचा निर्णय घेण्यात आला आहे. (Civil Defence course included in Mumbai University curriculum) नागरी संरक्षण संचालक प्रभात कुमार यांनी या विषयी माहिती देताना सांगितले की, 'संचालनालय आणि मुंबई विद्यापीठाने अलीकडेच विद्यापीठाच्या शैक्षणिक अभ्यासक्रमात नागरी संरक्षण अभ्यासक्रम औपचारिकपणे समाविष्ट करण्यासाठी सामंजस्य करार (एमओयू) केला आहे.'
मुंबई विद्यापीठाशी संलग्न सर्व अभियांत्रिकी महाविद्यालयांमध्ये हा अभ्यासक्रम चालवला जाईल आणि त्याचे वजन २५ गुण असेल. शिक्षण सुरू ठेवत देशाची सेवा करण्याची इच्छा असलेल्या विद्यार्थ्यांना या अभ्यासक्रमाद्वारे एक मौल्यवान संधी मिळेल, अशी माहिती प्रभात कुमार यांनी दिली.
सहभागींना आपत्कालीन परिस्थितीत बचाव कार्य आणि जीवनरक्षक तंत्रांचे प्रशिक्षण मिळेल. ते आपत्ती व्यवस्थापन कक्ष, अग्निशमन दल आणि रुग्णालयांसह सरकारी आणि नागरी संस्थांशी आपत्कालीन परिस्थिती आणि युद्धसदृश परिस्थितीत सहयोग करण्यासाठी सुसज्ज असतील. .
तसेच राज्य सरकार देखील नागरी संरक्षण संचालनालयाला बळकटी देण्यासाठी देखील काम करत आहे. सध्या संचालनालयाला कर्मचाऱ्यांची कमतरता, कमी दैनिक भत्ते आणि पुरेशा सायरन, वाहने आणि रुग्णवाहिकांचा अभाव यासारख्या अनेक आव्हानांचा सामना करावा लागत आहे.
