JEE मेन दुरूस्ती विंडो सुरू

राष्ट्रीय चाचणी एजन्सी (एनटीए) ने २७ फेब्रुवारी रोजी जेईई मुख्य परीक्षेची दुरुस्ती विंडो उघडली आहे, जी २८ फेब्रुवारी २०२५ रोजी रात्री ११:५० वाजेपर्यंत खुली राहील. विद्यार्थी NTA jeemain.nta.nic.in च्या अधिकृत वेबसाइटला भेट देऊन आणि लॉगिन तपशील प्रविष्ट करून केवळ ऑनलाइन पद्धतीने फॉर्ममध्ये दुरुस्त्या करू शकतात.

Feb 27, 2025 - 12:00 Updated: Feb 27, 2025 - 12:46

एज्युवार्ता न्यूज नेटवर्क

ज्या विद्यार्थ्यांनी संयुक्त प्रवेश परीक्षा मुख्य सत्र २ (Joint Entrance Examination Main Session 2) JEE Main साठी अर्ज केला आहे आणि फॉर्म भरताना चूक झाली आहे त्यांना आजपासून ती दुरुस्त करण्याची संधी मिळणार आहे. राष्ट्रीय चाचणी एजन्सी (National Testing Agency) एनटीएने २७ फेब्रुवारी रोजी जेईई मुख्य परीक्षेची दुरुस्ती विंडो उघडली आहे, (correction window opened) जी २८ फेब्रुवारी २०२५ रोजी रात्री ११:५० वाजेपर्यंत खुली राहील. विद्यार्थी NTA jeemain.nta.nic.in च्या अधिकृत वेबसाइटला भेट देऊन आणि लॉगिन तपशील प्रविष्ट करून केवळ ऑनलाइन पद्धतीने फॉर्ममध्ये दुरुस्त्या करू शकतात.

या कॉलममध्ये बदल करता येतील
अभ्यासक्रम (पेपर), प्रश्नपत्रिकेचे माध्यम, राज्य पात्रता संहिता, परीक्षा शहरे (पर्यायानुसार), शैक्षणिक पात्रतेची माहिती (इयत्ता १०वी आणि १२वी), लिंग, श्रेणी, शुल्क भरणा (लागू असल्यास) उमेदवाराचे नाव किंवा आई वडिलांचे नाव

कोणत्या कॉलममध्ये सुधारणा करता येणार नाही

मोबाईल नंबर, ई-मेल, पत्ता (कायमस्वरूपी आणि सध्याचा), आपत्कालीन संपर्क तपशील, उमेदवाराचा फोटो

जेईई मेन सत्र २ साठी अर्ज प्रक्रिया २ फेब्रुवारी ते २५ फेब्रुवारी २०२५ दरम्यान एनटीएने पूर्ण केली होती. जेईई मेन्स २०२५ सत्र २ ची परीक्षा राष्ट्रीय परीक्षा एजन्सी (एनटीए) द्वारे १ ते ८ एप्रिल २०२५ दरम्यान देशभरातील नियुक्त परीक्षा केंद्रांवर घेतली जाईल. परीक्षेचे प्रवेशपत्र परीक्षेच्या काही दिवस आधी जारी केले जाईल. परीक्षेबाबत अधिक माहितीसाठी किंवा कोणत्याही समस्येचे निराकरण करण्यासाठी, तुम्ही ०११- ४०७५९०००/०११ किंवा ६९२२७७०० वर संपर्क साधू शकता. याशिवाय तुम्ही jeemain@ntmac.in वर ईमेल देखील करू शकता.