बडतर्फ IAS अधिकारी पूजा खेडकरला कोर्टाकडून मोठा दिलासा; कारण...
जा खेडकर हिने कुठला गंभीर गुन्हा केला आहे? ती अमली पदार्थांचा व्यापार करणारी माफिका किंवा दहशतवादी नाही. तिने कुणाची हत्या केलेली नाही. तीने एनडीपीएसचा गुन्हा केलेला नाही. तिने सर्व काही गमावलेलं आहे. तसेच तिला आता कुठेही नोकरी मिळणार नाही. त्यामुळे या प्रकरणातील एकूण परिस्थिती पाहता दिल्ली उच्च न्यायालयाने याचिकाकर्तीला जामीन दिला पाहिजे, असे कोर्टाने म्हटले आहे.
eduvarta@gmail.com 
एज्युवार्ता न्यूज नेटवर्क
बडतर्फ माजी प्रशिक्षणार्थी अधिकारी पूजा खेडकर (Puja Khedkar)) हिला सर्वोच्च न्यायालयाने (Supreme Court) मोठा दिलासा देत अटकपूर्व जामीन मंजूर (Anticipatory bail granted) केला आहे. यूपीएससीची परीक्षा देताना फसवणूक करून आरक्षणाचा लाभ घेतल्या प्रकरणी बडतर्फ करण्यात आले होते. न्यायमूर्ती बी. व्ही. नागरत्ना आणि न्यायमूर्ती सतीशचंद्र शर्मा (Justice B. V. Nagaratna and Justice Satish Chandra Sharma) यांच्या खंडपीठाने तिला या प्रकरणाच्या तपासात सहकार्य करण्याचे आदेश (Order to cooperate in the investigation) दिले आहेत.
पूजा खेडकर हिच्यावर यूपीएससीची परीक्षा देताना फसवणूक केल्याचा तसेच ओबीसी आरक्षण आणि दिव्यांग कोट्यातील आरक्षणाचा चुकीच्या पद्धतीने लाभ घेतल्याचा आरोप आहे. या प्रकरणी सुनावणी करताना कोर्टाने म्हटले की, पूजा खेडकर हिने कुठला गंभीर गुन्हा केला आहे? ती अमली पदार्थांचा व्यापार करणारी माफिका किंवा दहशतवादी नाही. तिने कुणाची हत्या केलेली नाही. तीने एनडीपीएसचा गुन्हा केलेला नाही. तिने सर्व काही गमावलेलं आहे. तसेच तिला आता कुठेही नोकरी मिळणार नाही. त्यामुळे या प्रकरणातील एकूण परिस्थिती पाहता दिल्ली उच्च न्यायालयाने याचिकाकर्तीला जामीन दिला पाहिजे, असे कोर्टाने म्हटले आहे.
दरम्यान, दिल्ली पोलिसांच्या वकिलांनी पूजा खेडकर हिला जामीन देण्यास विरोध केला. पूजा खेडकर ही तपासामध्ये सहकार्य करत नाही. तसेच तिच्या विरोधातील आरोप हे गंभीर आहेत, असे सांगितले आहे.
