UPSC ESE मेन्स परीक्षेचा निकाल जाहीर 

एज्युवार्ता न्यूज नेटवर्क 

केंद्रीय लोकसेवा आयोग (UPSC) ने अभियांत्रिकी सेवा परीक्षा (ESE) मुख्य निकाल 2024 जाहीर केला आहे. त्याची लेखी परीक्षा 23 जून रोजी झाली होती. परीक्षेस प्राविष्ठ झालेले उमेदवार आयोगाच्या अधिकृत वेबसाइट upsc.gov.in वर UPSC ESE मुख्य निकाल 2024 (UPSC ESE Mains Result)पाहू शकतात.

UPSC ने परीक्षेस प्राविष्ठ झालेल्या एकूण उमेदवारांपैकी 630 उमेदवारांना मुलाखतीसाठी निवडले आहे. आयोगाने परीक्षेत उत्तीर्ण झालेल्या आणि पुढील फेरीसाठी निवड झालेल्या उमेदवारांची नावे तसेच रोल नंबरची यादी प्रसिद्ध केली आहे. निवडलेल्या 630 उमेदवारांमध्ये सिव्हिल इंजिनीअरिंगसाठी 284, मेकॅनिकलसाठी 57, इलेक्ट्रिकलसाठी 75 आणि इलेक्ट्रॉनिक्स आणि टेलिकम्युनिकेशन इंजिनिअरिंगसाठी 214 उमेदवारांचा समावेश आहे.

उमेदवारांच्या गुणपत्रिका अंतिम निकाल जाहीर झाल्यानंतर 30 दिवसांनी वेबसाइटवर उपलब्ध होतील. उमेदवार त्यांचा रोल नंबर आणि जन्मतारीख वापरून UPSC ESE 2024 स्कोअरकार्ड डाउनलोड करू शकतील. UPSC लवकरच रोल नंबरनुसार मुलाखतीचे वेळापत्रक जाहीर करेल. UPSC व्यक्तिमत्व चाचणीच्या तारखेत आणि वेळेत कोणताही बदल करणार नाही. UPSC ने अधिकृत नोटीसमध्ये म्हटले आहे की, या उमेदवारांची उमेदवारी तात्पुरती आहे, जर ते सर्व बाबतीत पात्र ठरले. वय, शैक्षणिक पात्रता, समुदाय, बेंचमार्क अपंगत्व इत्यादींशी संबंधित तुमच्या दाव्यांच्या समर्थनातील मूळ प्रमाणपत्रे मुलाखत आणि वैयक्तिक चाचणीच्या वेळी सादर करावी लागतील.

अधिकृत संकेतस्थळावर लवकरच प्रसिद्ध होणारा तपशीलवार अर्ज भरण्यापूर्वी उमेदवारांना  स्वतःची नोंदणी करावी लागेल. आवश्यक कागदपत्रांच्या स्कॅन प्रतींसह ते सादर करावे लागेल. जर DAF विहित कालावधीत सादर केले नाही तर ते आयोगाकडून रद्द केले जाईल. तसेच मूळ प्रमाणपत्रे आणण्यात अयशस्वी झालेल्या कोणत्याही उमेदवाराला पीटीसाठी उपस्थित राहण्याची परवानगी दिली जाणार नाही, असा इशारा  UPSC ने दिला आहे.