शिवाजी विद्यापीठाच्या कुलगुरू पदी 'या' व्यक्तीची वर्णी लागणार ? लवकरच अधिकृत घोषणा

एज्युवार्ता न्यूज नेटवर्क 

कोल्हापूर येथील शिवाजी विद्यापीठाच्या कुलगुरू पदाचा तिढा लवकरच सुटणार असून आज किंवा उद्या अधिकृतपणे कुलगुरू पदाच्या नावाची घोषणा केली जाणार असल्याची माहिती विश्वसनीय सूत्रांनी दिली आहे.

कुलगुरू पदाच्या मुलाखतीसाठी निवडलेल्या पाच उमेदवारांमध्ये डॉ.रजनीश कामत यांचे पारडे जड आहे. त्यामुळे कामत यांच्या हाती कुलगुरू पदाची सूत्रे दिली जातील, असा अंदाज व्यक्त केला जात आहे. मात्र, अद्याप राज्यपाल कार्यालयातर्फे याबाबतची कोणतीही अधिकृत घोषणा झालेली नाही.

कोल्हापूर येथील शिवाजी विद्यापीठाच्या कुलगुरूपदी डॉ. रजनीश कामत; उद्या पदभार स्वीकारणार

कोल्हापूर विद्यापीठाच्या कुलगुरू पदासाठी 14 मे रोजी अंतिम पाच उमेदवारांच्या मुलाखती घेण्यात आल्या.त्यात होमी भाभा विद्यापीठाचे कुलगुरू डॉ.आर.के.कामात, कोल्हापूर विद्यापीठाच्या प्र- कुलगुरू डॉ.ज्योती जाधव, कोल्हापूर विद्यापीठाचे माजी प्र. कुलगुरू डॉ.पी.एस.पाटील,नागपूर विद्यापीठाच्या डॉ.स्मिता देशमुख, सावित्रीबाई फुले पुणे विद्यापीठाच्या फिजिक्स विभागाचे माजी प्रमुख डॉ.संजय ढोले यांचा समावेश होता.14 मे नंतर तात्काळ नवनियुक्त कुलगुरूची घोषणा केली जाईल,अशी शक्यता व्यक्त केली जात होती. मात्र, त्यास विलंब झाल्याने शिक्षण क्षेत्रात उलटसुलट चर्चा सुरू झाल्या.

होमी भाभा विद्यापीठाचे कुलगुरू डॉ.आर. के. कामत यांच्या नावाची घोषणा केली जाईल,अशी शक्यता व्यक्त केली जात आहे. त्यामुळे कोल्हापूर विद्यापीठाला लवकरच पूर्णवेळ कुलगुरू मिळण्याची शक्यता आहे.

सध्या सावित्रीबाई फुले पुणे विद्यापीठाचे कुलगुरू डॉ. सुरेश गोसावी यांच्याकडे विद्यापीठाच्या प्रभारी कुलगुरू पदाची सूत्रे आहेत.परंतु, उद्या अधिकृतपणे घोषणा होऊन नवनियुक्त कुलगुरू पदभार हाती घेतील,असे बोलले जात आहे.