MBBS Admission : वैद्यकीय अभ्यासक्रमांची प्रवेश प्रक्रिया सोमवारपासून

एज्युवार्ता न्यूज नेटवर्क

MBBS Admission : नीट (NEET UG 2023) परीक्षेचा निकाल लागून अनेक दिवस उलटले तरी महाराष्ट्र राज्य सामायिक प्रवेश परीक्षा कक्षाकडून (CET Cell) राज्यातील वैद्यकीय अभ्यासक्रमांचे प्रवेश सुरू केले जात नसल्याने विद्यार्थ्यांमध्ये नाराजी निर्माण झाली होती. अखेर सीईटी सेलकडून रविवारी प्रवेश प्रक्रियेसाठी २४ जुलैपासून नोंदणी सुरू होणार असल्याचे जाहीर केले आहे. मात्र, त्यापुढील गुणवत्ता यादी कधी प्रसिध्द होणार, समुपदेशन फेऱ्यांचे वेळापत्रक प्रसिध्द केलेले नाही.

NEET UG २०२३ समुपदेशनासाठी ऑनलाइन नोंदणी प्रक्रिया सोमवारपासून (दि. २४ जुलै) सुरू होणार आहे. पात्र विद्यार्थ्यांना cetcell.net.in/NEET-UG-2023 या संकेतस्थळावर अधिक माहिती मिळेल. नोंदणीसाठीची लिंक अद्याप सक्रिय झालेली नाही. लिंक सक्रिय झाल्यावर उमेदवारांना समुपदेशना संदर्भातील तपशीलवार वेळापत्रक, माहितीपत्रक आणि इतर माहिती उपलब्ध होऊ शकेल.

गैरप्रकारामुळे महाज्योतीची UPSC प्रवेश परीक्षा अखेर रद्द ; पुन्हा परीक्षा घेण्याचा निर्णय

दरम्यान, NEET UG अंतर्गत  वैद्यकीय महाविद्यालयांमध्ये ऑल इंडिया कोटा (AIQ) जागांवर पहिल्या फेरीसाठी चॉईस फिलींग  प्रक्रिया आज, २२ जुलैपासून सुरू झाली आहे. NEET UG अंतर्गत  वैद्यकीय महाविद्यालयांमध्ये ऑल इंडिया कोटा  (AIQ) जागांवर  प्रवेशासाठी  या वर्षी चार फेऱ्यांमध्ये समुपदेशन होणार आहे. यामध्ये AIQ राउंड १, AIQ राउंड २, AIQ मॉक-अप राऊंड आणि AIQ स्ट्रे व्हॅकन्सी राउंड यांचा समावेश आहे. प्रत्येक फेरीच्या नोंदणीनंतर, उमेदवारांना उपलब्ध पर्यायांच्या यादीतून महाविद्यालये निवडून त्यांची पुष्टी करावी लागेल. त्यानुसार उमेदवारांची पडताळणी आणि जागावाटप केले जाईल.

शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.

https://chat.whatsapp.com/Ib9LP2jUnnXAQpcKKJ5nWD