विद्यार्थ्यांना ‘या’ विषयांसाठी आता गुण नाही तर मिळणार श्रेणी

एज्युवार्ता न्यूज नेटवर्क

शैक्षणिक वर्ष 2025-26 (Academic year 2025-26) पासून इयत्ता पहिलीसाठी नव्या अभ्यासक्रमाची अंमलबजावणी (Implementation of new curriculum for class 1) करण्यात येणार असून या अभ्यासक्रमात शारीरिक शिक्षण (पीटी), कार्यानुभव, कला, आरोग्य (Physical Education (PT), Work Experience, Arts, Health) या विषयांचे गुण पद्धतीऐवजी श्रेणी पद्धतीने मूल्यमापन होणार आहे.   

राष्ट्रीय शैक्षणिक संशोधन प्रशिक्षण परिषदेने (एनसीईआरटी) इयत्ता पहिलीच्या विद्यार्थ्यांसाठी नव्याने अभ्यासक्रम तयार केला आहे...राज्य शैक्षणिक संशोधन प्रशिक्षण परिषदेचे संचालक राहुल रेखावार यांच्या सूचनेनुसार, नवीन अभ्यासक्रमाचे अध्ययन व अध्यापन कसे करावे, याबाबतचे प्रशिक्षण राज्यातील प्रशिक्षित शिक्षकांना दिले जात आहे. हे प्रशिक्षण शिक्षकांना १ जूनपासून देण्यात येणार आहे.

नवीन शिक्षण धोरणाआधी इयत्ता पहिली ते आठवीसाठी भाषा, गणित, परिसर अभ्यास, असे विषय होते. आता त्यासोबत शारीरिक शिक्षण, आरोग्य, कला आणि कार्यानुभव या विषयांचा समावेश केला आहे. या चार विषयांचे श्रेणी आधारे मूल्यांकन होणार आहे.

अभ्यासक्रम आराखडा पायाभूत स्तर मधील मार्गदर्शक सूचनेनुसार, इयत्ता पहिलीसाठी भाषा गटामध्ये मराठी व इंग्रजी या दोन भाषांचा समावेश आहे. तसेच गणित हा देखील मुख्य अभ्यासाचा विषय आहे त्याचे नियमित मूल्यमापन होईल पण यासोबतच विद्यार्थ्यांच्या व्यक्तिमत्त्वाचा विकास करणाऱ्या कार्य अर्थात कार्यानुभव, कला आणि आरोग्य व शारीरिक शिक्षण या विषयांचे वेगळ्या पद्धतीने मूल्यमापन होऊन त्यानुसार त्यांना श्रेणी देण्यात येईल. यामुळे त्या विद्यार्थ्यांचा त्या विषयातील सर्वसाधारण स्तर निश्चित होईल.

महेंद्र गणपुले, माजी अध्यक्ष महाराष्ट्र राज्य माध्यमिक उच्च माध्यमिक शाळा मुख्याध्यापक संघ