‘डिपेक्स 2025’ मध्ये विद्यार्थी सादर करणार ४०० हून अधिक प्रकल्प

एज्युवार्ता न्यूज नेटवर्क

उद्याचे उद्योजक घडवण्यासाठी अखिल भारतीय विद्यार्थी परिषद (Akhil Bharatiya Vidyarthi Parishad), सृजन व कौशल्य विकास (Creativity and skill development), कॉलेज ऑफ इंजीनियरिंग पुणे टेक्नॉलॉजी युनिव्हर्सिटी (College of Engineering Pune Technological University) आणि सावित्रीबाई फुले पुणे विद्यापीठ (Savitribai Phule Pune University) यांच्या संयुक्त विद्यमाने ‘डिपेक्स 2025’ प्रदर्शन आणि स्पर्धा (Deepex 2025’ Exhibition and Competition) आयोजित करण्यात आली आहे.

ही स्पर्धा दि.3  ते 6 एप्रिल 2025 रोजी कॉलेज ऑफ इंजीनियरिंग पुणे टेक्नॉलॉजी युनिव्हर्सिटीच्या मैदानावर संपन्न होणार असून यात महाराष्ट्र व गोवा या राज्यातील डिप्लोमा व अभियांत्रिकी महाविद्यालयातून एकूण 325  प्रकल्प तसेच महाराष्ट्रातील आयटीआयमधील एकूण १०० सर्वोत्तम प्रकल्पांचा समावेश या प्रदर्शनात केला गेला आहे.

या प्रदर्शन व स्पर्धेस पुण्यातील विविध शाळा व महाविद्यालयांमधील विद्यार्थी,नागरिक, उद्योजक, लघु उद्योजक, शैक्षणिक संस्था,
इंक्युबॅशन सेंटरमधील जवळपास एक लाखांहून अधिक नागरिक भेट देणार आहेत.

दरम्यान, महाराष्ट्र व गोवा या राज्यातील डिप्लोमा, अभियांत्रिकी, कृषी तसेच आयटीआयचे शिक्षण घेणाऱ्या विद्यार्थ्यांच्या चल प्रकल्पांचे प्रदर्शन व स्पर्धा डिपेक्सच्या माध्यमातून घेतले जाते.

‘डिपेक्स 2025’ची  वैशिष्ट्ये कोणती ?

• 2000 हून अधिक प्रोजेक्टची नोंद झाली आहे
• ३५० हून अधिक कार्यरत मॉडेल्स, सुमारे ५००० हून अधिक विद्यार्थ्यांनी सहभाग नोंदवला
• उद्योग व्यावसायिक, उद्योजक, शिक्षणतज्ज्ञ, संशोधक, विद्यार्थी, प्रख्यात सामाजिक व्यक्तिमत्त्वे आणि समाजातील इतर घटक सहभागी होणार आहेत.
• सहभागी आणि अभ्यागतांना प्रोत्साहन आणि समर्थन देण्यासाठी स्टार्ट-अप्स, इन्क्युबेशन सेंटर्स आणि आयपीआर मंडप
• महाराष्ट्रातील कोल्हापूर, कराड, सोलापूर, नाशिक, पुणे, नागपूर, छ. संभाजीनगर, नांदेड, जळगाव, मुंबई, रत्नागिरी या 11 स्थानांवर आयडिया प्रेसेंटेशनची प्राथमिक फेरी झाली आहे.
• विविध सांस्कृतिक देवाणघेवाण, नेटवर्किंग आणि सहकार्याच्या संधी उपलब्ध होतील.
• अंतर्दृष्टीपूर्ण सत्रे आणि पॅनेल चर्चा होणार आहेत.
• भविष्यकालीन तंत्रज्ञान आणि सामाजिक थीम
• भारतीय विचारसरणी
• पहिल्या पिढीतील उद्योजकांशी संवाद

याबरोबरच आकर्षक पुरस्कार आणि बक्षिसे मिळणार आहेत. शोध (Shodh), सर्वोत्तम उद्योग प्रायोजित प्रकल्प (Best Industry sponsored project (ISP)), महिला आणि तांत्रिक नवोपक्रम (Woman and technical innovation (WATI), MSBTE पुरस्कार, सामान्य अजिंक्यपद (General championship), प्रत्येक विषयगत विभागात प्रथम आणि द्वितीय बक्षिसे आणि बरेच काही.

अकरा थीममध्ये होणार  ‘डिपेक्स 2025’  

• कृषी तंत्रज्ञान • संगणकीय बुद्धिमत्ता • संरक्षण आणि सायबर सुरक्षा • ऊर्जा • आरोग्य सेवा/वैद्यकीय तंत्रज्ञान • औद्योगिक ऑटोमेशन • गतिशीलता • सुरक्षितता • शाश्वत नागरी पायाभूत सुविधा •कचरा व्यवस्थापन • ओपन इनोवेशन या थीम मधून विद्यार्थ्यांनी आपले प्रोजेक्ट नोंदविले आहेत.