तारुण्याला योग्य दिशा देण्यासाठी राष्ट्रीय छात्र सेनेची शिस्त महत्त्वाची - डॉ. पराग काळकर

एज्युवार्ता न्यूज नेटवर्क 

महाविद्यालयीन जीवनात विद्यार्थ्यांच्या व्यक्तिमत्व विकासासाठी सांस्कृतिक गट, क्रीडा, राष्ट्रीय सेवा योजना, कमवा व शिका योजना, राष्ट्रीय छात्र सेना असे विविध उपक्रम तथा योजना असतात. या विविध उपक्रमांच्या माध्यमातून विद्यार्थी स्वतःला घडवत असतो. त्यातीलच राष्ट्रीय छात्र सेना हा विद्यार्थ्यांच्या आयुष्यातील एक महत्त्वाचा उपक्रम आहे. विद्यार्थ्यांच्या (students)अंगी शिस्त निर्माण व्हावी, भविष्यात विद्यार्थ्यांनी देश सेवेसाठी स्वतःचे आयुष्य समर्पित करावे याकरिता राष्ट्रीय छात्र सेनेची संस्कार महत्त्वाची भूमिका बजावतात. त्यामुळे तारुण्याला योग्य दिशा देण्यासाठी राष्ट्रीय छात्र सेनेची शिस्त महत्त्वाची आहे असे मत विद्यापीठाचे प्र-कुलगुरू डॉ. पराग काळकर (University Pro-Vice Chancellor Dr. Parag Kalkar) यांनी व्यक्त केले. सावित्रीबाई फुले पुणे विद्यापीठाच्या (Savitribai Phule Pune University) वतीने संलग्नित महाविद्यालय/परिसंस्थेमधील राष्ट्रीय छात्र सेना (NCC) तुकडीतील कॅडेटसाठी मार्गदर्शन कार्यशाळा व गुणगौरव सोहळा (Guidance Workshop and Appreciation Ceremony) मंगळवार, दि. २५ मार्च, २०२५ रोजी  सावित्रीबाई फुले पुणे विद्यापीठाच्या संत नामदेव सभागृह (Sant Namdev Auditorium of Savitribai Phule Pune University) येथे आयोजित करण्यात आला होता. याप्रसंगी ते बोलत होते. 

यावेळी विद्यापीठाच्या कुलसचिव डॉ.ज्योती भाकरे, राष्ट्रीय छात्र सेनेचे मार्गदर्शक कॅप्टन चंद्रशेखर चितळे, ब्रिगेडीयर अर्जुन मित्रा, कर्नल राजेश चंडेल, कर्नल राजेश वरके, ले. कर्नल हेमचंद्रा, डॉ. विवेक अंतड, राष्ट्रीय छात्र सेनेचे सहयोगी अधिकारी ले. आशिष सांगळे यांसह ३५० राष्ट्रीय छात्र सेनेचे कॅडेट, पालक व प्राध्यापक उपस्थित होते. 

यावेळी विद्यार्थ्यांना नौदल, वायूदल, सैन्यदल यात भरती होण्यासाठी चर्चासत्र आयोजित करण्यात आले होते. विद्यार्थ्यांच्या विविध प्रश्नांना मान्यवरांनी उत्तरे दिली. तसेच शैक्षणिक वर्ष २०२४-२५ मधील टी.एस.सी, व्ही.एस.सी, एन.एस.सी, आय.डी.एस.सी. (शुटींग), आर.डी.सी. (आर्मी, नेव्ही व एअरविंग), आर्मी डे परेड यामध्ये पदवी/पदव्युत्तर शाखेतील विशेष कामगिरी केलेल्या कॅडेटचा सत्कार यावेळी मान्यवरांच्या हस्ते संपन्न झाला. कार्यक्रमाचे सूत्रसंचालन कॅडेट प्रज्वल पाटील यांनी केले तर आभार ले. आशिष सांगळे यांनी मानले.