अल्पवयीन मुलावर वसतिगृहात लैंगिक अत्याचार

एज्युवार्ता न्यूज नेटवर्क

राज्यात गेल्या काही दिवसांत रोज डझनभर अत्याचाराच्या घटना समोर येत आहे. महिला, अल्पवयीन मुली या हैवानांसाठी वासनेच्या बळी ठरत आहेत. आज पुन्हा एकदा रायगड जिल्ह्यातील (Raigad Crime News) वसतीगृहात राहणाऱ्या एका अल्पवयीन मुलावर लैंगिक अत्याचार (physically abused minor boy) घडल्याची धक्कादायक घटना उघडकीस आली आहे. माणगाव तालुक्यातील जावळी येथील वसतिगृहात (Jawali Hostel) हा लाजिरवाणा प्रकार घडला आहे. त्यामुळे वसतिगृहातील इतर मुलांसह पालकांमध्ये सध्या भीतीचे वातावरण पाहायला मिळत आहे.  

जावळी येथील वसतिगृहात राहणाऱ्या एका अल्पवयीन मुलावर त्याच्यासोबत राहणाऱ्या दोन अल्पवयीन मुलांनी लैंगिक अत्याचार केल्याची घटना समोर आली. त्यानंतर रायगड जिल्हा पोलीस प्रशासनाने या प्रकरणाची गंभीर दखल  घेतली आहे. माणगाव पोलीस ठाण्यात याप्रकरणी गुन्हा दाखल करण्यात आला आहे. या घटनेमुळे वसतीगृहातील इतर मुलांमध्ये भीतीचे वातावरण निर्माण झाले आहे. माणगाव पोलिसांनी तपासाची सुत्र वेगाने फिरवली आहेत. पीडित मुलासह लैंगिक अत्याचार केलेल्या दोन मुलांना वैद्यकीय तपासणीसाठी अलिबाग येथील जिल्ह्या रुग्णालयात दाखल करण्यात आले आहे. 

वसतिगृहामधील एका खोलीत तीन अल्पवयीन विद्यार्थी राहत होते. यातील दोन मोठ्या अल्पवयीन मुलांनी त्यांच्या रूममधील लहान मुलावर अतिप्रसंग केला. ही गंभीर बाब वसतिगृहाच्या अधिकारी आणि कर्मचा-यांच्या लक्षात येताच त्यांनी तातडीने नजीकचे पोलीस ठाणे गाठले. बदलापूर येथील बाल अत्याचाराच्या घटनेमुळे संपूर्ण देश हादरला असतानाच आता रायगडमध्ये देखील धक्कादायक घटना घ़डली आहे.