मंतैय्या बेडके, सागर बागडे यांना राष्ट्रीय शिक्षक पुरस्कार जाहीर
महाराष्ट्रातील दोन शिक्षकांना राष्ट्रीय पुरस्कार जाहीर झाले असून त्यात गडचिरोली येथील मंतैय्या बेडके आणि कोल्हापूर येथील सागर बागडे यांचा समावेश आहे.
Eduvarta
केंद्रीय शासनातर्फे दिल्या जाणाऱ्या राष्ट्रीय शिक्षक पुरस्काराची (National Teacher Award)घोषणा करण्यात आली असून महाराष्ट्रातील मंतैय्या बेडके, सागर बागडे (maitaiah bedke, sagar bgade )या दोन शिक्षकांना 2024 चा राष्ट्रीय शिक्षक पुरस्कार जाहीर झाला आहे. येत्या 5 सप्टेंबर रोजी नवी दिल्ली येथील विज्ञान भवन येथे पुरस्काराचे वितरण केले जाणार आहे. प्रमाणपत्र, सिल्वर मेडल आणि रोख रक्कम 50 हजार रुपये, असे या पुरस्काराचे स्वरूप आहे.
शिक्षक दिनानिमित्त पाच सप्टेंबर रोजी देशभरातील शिक्षकांना राष्ट्रीय शिक्षक पुरस्काराने सन्मानित केले जाते. महाराष्ट्रातून हा पुरस्कार कोणाला मिळणार याबाबत उत्सुकता होती. यंदा महाराष्ट्रातील दोन शिक्षकांना राष्ट्रीय पुरस्कार जाहीर झाले असून त्यात गडचिरोली येथील मंतैय्या बेडके आणि कोल्हापूर येथील सागर बागडे यांचा समावेश आहे. बगाडे हे एस. एम. लोहिया हायस्कूल अँड ज्युनिअर कॉलेज कोल्हापूर येथील शिक्षक आहेत.
मृणाल नंदकिशोर गांजाळे यांची 2023 मध्ये राष्ट्रीय शिक्षक पुरस्कारासाठी निवड झाली होती. यावर्षी महाराष्ट्रातील दोन शिक्षकांना पुरस्कार प्राप्त झाला आहे.
