बदलापूर शाळेतील CCTV फुटेज गायब, खुद्द शिक्षणमंत्र्यांनीच दिली माहीती 

एज्युवार्ता न्यूज नेटवर्क 

बदलापूर येथील अल्पवयीन मुलींवर लैंगिक अत्याचार (Sexual abuse of girls) झाले, त्या आदर्श विद्यामंदिर शाळेतील १५ दिवसांचे सीसीटीव्ही फुटेज गायब झाल्याची धक्कादायक माहिती चौकशी समितीच्या अहवालातून (Reports of the Inquiry Committee) समोर आली आहे.  याची पोलिसांमार्फत चौकशी केली जाणार असून त्याचे सर्व अधिकार गृह विभागाला देण्यात आल्याची माहिती शालेय शिक्षणमंत्री दीपक केसरकर (Education Minister Deepak Kesarkar) यांनी दिली. 

संबंधित मुलींच्या शिक्षणाचा खर्च शासनाकडून केला जाईल, असे सांगत ज्या मुलीवर अतिप्रसंग झाला, तिला १० लाख, तर जिच्यावर अत्याचाराचा प्रयत्न झाला, तिला तीन लाख मदत केली जाईल, असे ते म्हणाले. बदलापूरमधील अत्याचार घटनेसंदर्भात सरकारने चौकशी समिती नेमली होती. या समितीच्या चौकशीचा अहवाल शासनाला प्राप्त झाला असून त्याची माहिती केसरकर यांनी पत्रकार परिषदेत दिली. मात्र, ज्या घटनेमुळे संपुर्ण देश हादरला आहे त्या शाळेतील सीसीटीव्ही फुटेज गायब झाले, अशी देणारे शिक्षण मंत्रायल किती बेजबाबदारी आहे याची उचिती यानिमित्ताने आली आहे. 

या घटनेची पुनरावृत्ती टाळण्यासाठी संबंधित अधिकाऱ्यांची जबाबदारी निश्चित करण्यात आली असून दोषी ठरणाऱ्यांवर कारवाईचे आदेश दिले आहेत. शाळेतील कामिनी गायकर आणि निर्मला घुरे या दोन सेविकांना सहआरोपी करून त्यांच्यावर कारवाई करण्याचे निर्देश दिले आहेत. घटनेच्या वेळी या दोन्ही सेविका तिथे हजर असत्या तर हा प्रकार घडला नसता, असे मत शिक्षणमंत्री दीपक केसरकर म्हणाले.