JEE-Main 2024 चा निकाल जाहीर ; 56 विद्यार्थ्यांना 100 टक्के गुण ; राज्यातील 7 विद्यार्थ्यांचा समावेश
जेईई मेन 2024 मध्ये 56 विद्यार्थ्यांना 100 टक्के मिळाले आहेत. दिल्लीतील शायना सिन्हा आणि कर्नाटकातील सान्वी जैन या 100 टक्के गुण मिळविणाऱ्या उमेदवारांच्या यादीत दोन मुलींचाही समावेश आहे.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सीने (NTA) संयुक्त प्रवेश परीक्षा-मुख्य (JEE-Main) चा निकाल जाहीर केला आहे. जेईई मेन 2024 मध्ये 56 विद्यार्थ्यांना 100 टक्के मिळाले आहेत. दिल्लीतील शायना सिन्हा आणि कर्नाटकातील सान्वी जैन या 100 टक्के गुण मिळविणाऱ्या उमेदवारांच्या यादीत दोन मुलींचाही समावेश आहे. याशिवाय पश्चिम बंगालमधील भूमिका साहा हिने ट्रान्सजंडर श्रेणीत 56.6784820 टक्के गुण मिळवले आहेत. उमेदवार अधिकृत वेबसाइट jeemain.nta.ac.in किंवा ntaresults.nic.in वर जाऊन त्यांचे गुण तपासू शकतात.
NTA ने जेईई मेन 2024 चे मेरिट स्कोअर जेईई मेन जानेवारी आणि जेईई मेन एप्रिल परीक्षेच्या सर्वोत्तम स्कोअरवर आधारित जारी केले आहेत. NTA ने सांगितले की या परीक्षेत 100 पर्सेंटाइल मिळालेल्या उमेदवारांपैकी सर्वाधिक 15 विद्यार्थी तेलंगणातील आहेत. यानंतर आंध्र प्रदेश आणि महाराष्ट्रातील प्रत्येकी सात आणि दिल्लीतील सहा आहेत.तसेच एनटीएने म्हटले आहे की परीक्षेदरम्यान अनुचित मार्ग वापरल्याबद्दल २९ उमेदवारांना जेईई-मेनसाठी तीन वर्षांसाठी उपस्थित राहण्यास प्रतिबंधित करण्यात आले होते.
JEE Advanced 2024 परीक्षेसाठी श्रेणीनिहाय पात्र उमेदवारांची संख्या जाहीर करण्यात आली आहे. जेईई मेनसाठी बसलेल्या 10,67, 959 उमेदवारांपैकी 2, 50, 284 जेईई ॲडव्हान्स्डसाठी पात्र ठरले आहेत. यामध्ये अनारक्षित कोट्यातील 97,351 विद्यार्थी, अनारक्षित पीडब्ल्यूडी कोट्यातील 3, 973 विद्यार्थी आहेत. EWS मधून 25,029 उमेदवार, OBC मधून 67,570 SC मधून 37, 581, SCT मधून 18, 708 उमेदवार पात्र ठरले आहेत. या वर्षी जेईई ॲडव्हान्स्डचा कटऑफ स्कोअर 93.23 आहे, तर गेल्या वर्षी तो 90.7 होता. ओबीसी एनसीएलसाठी हा 79.6 आहे, तर गेल्या वर्षी ते 73.6 होता. EWS साठी 81.3 SC साठी 60 आणि ST साठी 46.69 आहे.
जेईई मेनच्या जानेवारी सत्राच्या परीक्षेत 11,79,569 उमेदवार बसले होते. एप्रिल सत्र परीक्षेत 10,67,959 उमेदवार बसले होते. JEE मेन 2024 परीक्षा हिंदी, इंग्रजी, आसामी, बंगाली, इंग्रजी, गुजराती, हिंदी, कन्नड, मल्याळम, मराठी, उडिया, पंजाबी, तमिळ, तेलगू आणि उर्दूसह 13 भारतीय भाषांमध्ये घेण्यात आली. भारतातील 391 शहरांमध्ये आणि परदेशात 22 शहरांमध्ये 571 परीक्षा केंद्रे स्थापन करण्यात आली होती. भारताव्यतिरिक्त मनामा, दोहा, दुबई, काठमांडू, मस्कत, रियाध, शारजा, सिंगापूर, कुवेत सिटी, क्वालालंपूर, लागोस/अबुजा, कोलंबो, जकार्ता, मॉस्को, ओटावा, पोर्ट लुईस, बँकॉक, वॉशिंग्टन डी.सी., अबुधाबी ही परीक्षा हाँगकाँग आणि ओस्लो येथेही आयोजित करण्यात आले होते.जेईई मेन 2024 च्या गुणवत्तेसह, आता शीर्ष 2.5 लाख स्कोअर असलेले विद्यार्थी आयआयटीमध्ये प्रवेशासाठी जेईई ॲडव्हान्स 2024 परीक्षेत बसतील.
