विद्यार्थ्यांना घेऊन जाणारी स्कुल बस, नदीत कोसळताना थोडक्यात बचावली..
सुदैवाने बसचे चाक पुलाच्या बॅरिकेटमध्ये अडकले. अन्यथा विद्यार्थ्यांसह ही बस नदीत कोसळली असती. त्यामुळे हा खुप मोठा अनार्थ टळला.
eduvarta@gmail.com 
एज्युवार्ता न्यूज नेटवर्क
पिंपरी चिंचवडमध्ये (Pimpari Chinchwad News) २० ते २५ विद्यार्थी घेऊन निघालेल्या स्कुल बसचा अपघात (School bus accident) झाला. अपघातग्रस्त बस इंद्रायणी नदीत कोसळता-कोसळता (The bus falls into the river Indrayani) थोडक्यात बचावली आहे. सुदैवाने बसचे चाक पुलाच्या बॅरिकेटमध्ये अडकले. अन्यथा विद्यार्थ्यांसह ही बस नदीत कोसळली असती. त्यामुळे हा खुप मोठा अनार्थ टळला, काळ आला होता, पण वेळ नाही अशी म्हणायची वेळ यानिमित्ताने आली.
चऱ्होली गावालगत हा अपघात गुरूवार दुपारी साडे तीनच्या सुमारास घडला आहे. ही घटना समजतास आजूबाजूच्या लोकांनी बसकडे धाव घेत सर्व विद्यार्थ्यांना सुरक्षित बाहेर काढले. या अपघातत चार ते पाच विद्यार्थ्यांना किरकोळ दुखापत झाली आहे. हा अपघात नेमका कसा झाला? यामध्ये चूक कोणाची होती याबद्दल अद्याप माहिती मिळू शकली नाही. मात्र, सुदैवाने कोणतीही जिवितहानी न झाल्याने अनर्थ टळला आहे.
शाळेतून विद्यार्थ्यांना घरी सोडण्यासाठी निघालेली स्कुल बस पिंपरी चिंचवड येथे इंद्रायणी नदीत कोसळताना थोडक्यात बचावली आहे. घटनेवेळी बसमध्ये २० ते २५ विद्यार्थ्यी होते. चालकाला बाजूचा अंदाज न आल्याने बस रस्ता ओलांडून साईटला असलेल्या बॅरिकेट वर अडकली त्यामुळे पुढील अपघात थोडक्यात बचावला असे म्हणावे लागले.
