NEET UG कौन्सेलिंग स्थगित
वैद्यकीय समुपदेशन समिती लवकरच mcc.nic.in. या अधिकृत वेबसाइटवर सूचना जारी करणार आहे.
eduvarta@gmail.com 
एज्युवार्ता न्यूज नेटवर्क
NEET UG समुपदेशन(counselling) 2024चे आजपासून म्हणजेच 6 जुलै 2024 पासून समुपदेशन सुरू होणार होते, परंतु आता ते पुढे ढकलण्यात आले आहे. वैद्यकीय समुपदेशन समिती (Medical Advisory Committee) लवकरच mcc.nic.in. या अधिकृत वेबसाइटवर सूचना (Notice) जारी करणार आहे.
यापूर्वी, सर्वोच्च न्यायालयाने (Supreme Court) आजपासून सुरू होणाऱ्या अनेक सुनावणींमध्ये NEET UG समुपदेशन पुढे ढकलण्यास नकार दिला होता. 8 जुलै 2024 रोजी सुप्रीम कोर्टाच्या सुनावणीनंतर सुधारित तारीख जाहीर होण्याची शक्यता आहे. ही सुनावणी सरन्यायाधीश डीवाय चंद्रचूड (Chief Justice DY Chandrachud) यांच्यासह न्यायमूर्ती जेबी परडीवाला (Justice JB Pardiwala) आणि मनोज मिश्रा (Manoj Mishra) करणार आहेत. यावेळी खंडपीठ NEET UG 2024 शी संबंधित अनेक याचिकांवर सुनावणी करणार आहे.
अखिल भारतीय कोट्यातील 15 टक्के विद्यार्थ्यांचे NEET समुपदेशन वैद्यकीय समुपदेशन समिती/आरोग्य सेवा महासंचालक, आरोग्य आणि कुटुंब कल्याण मंत्रालय, भारत सरकार द्वारे केले जाते. तर NEET UG परीक्षेत 50% पेक्षा जास्त गुण मिळवणारे सामान्य श्रेणीतील उमेदवार NEET ऑल इंडिया कौन्सिलिंगमध्ये सहभागी होण्यास पात्र असणार आहे.
दरम्यान, अनेक फेऱ्यांमध्ये समुपदेशन केले जाणार आहे. ज्यात स्ट्रे व्हॅकन्सी राऊंड आणि मॉप-अप राउंडचा समावेश आहे.
