नीट पेपर फुटी प्रकरणात पुण्यातील तिसरी मनीषा अटकेत; CBI ची कारवाई
सीबीआयने पुढील तपासामध्ये मनीषा हवालदार हिला ताब्यात घेतले आहे. त्यामुळे विद्येचे माहेरघर म्हणून ओळखल्या जाणाऱ्या पुण्यातून नीट पेपर फुटी प्रकरणात सर्वाधिक आरोपी ताब्यात घेतले जात असल्याचे दिसून येत आहे.
eduvarta@gmail.com 
एज्युवार्ता न्यूज नेटवर्क
नीट पेपर फुटी प्रकरणात पुण्यातून मनीषा वाघमारे मनीषा मांढरे आणि आता प्राध्यापिका मनीषा हवालदार या तिसऱ्या मनीषाला अटक करण्यात आली आहे. मनीषा हवालदार ही सध्या पुण्यातील सेठ हिरालाल सराफ प्रशाला येथे कार्यरत आहे.
नीट पेपर फुटी प्रकरणानंतर सीबीआयने नागपूर, नाशिक , लातूर ,अहिल्यानगर आणि पुणे येथे मोठ्या कारवाया केल्या. पुण्यातून मॉडर्न कॉलेजच्या प्राध्यापिका मनीषा मांढरे यांना अटक करण्यात आली. त्याचप्रमाणे मनीषा वाघमारे हिला सुद्धा सीबीआयने ताब्यात घेतले. त्यानंतर आता सीबीआयने पुढील तपासामध्ये मनीषा हवालदार हिला ताब्यात घेतले आहे. त्यामुळे विद्येचे माहेरघर म्हणून ओळखल्या जाणाऱ्या पुण्यातून नीट पेपर फुटी प्रकरणात सर्वाधिक आरोपी ताब्यात घेतले जात असल्याचे दिसून येत आहे.
मनीषा हवालदार या विद्या प्रसारिणी सभा या संस्थेच्या सेठ हिरालाल सराफ प्रशाला येथे मुख्याध्यापक म्हणुन कार्यरत आहेत. येत्या जून महिन्यात त्या सेवानिवृत्त होणार आहेत.
नीट पेपर फुटी प्रकरणात यापूर्वी मनीषा मांढरे व मनीषा वाघमारे यांना अटक करण्यात आली. त्यानंतर तिसरी व्यक्ती अटक झाली तिचेही नाव मनीषाच आहे. त्यामुळे सर्व मनीषा नीट पेपर फुटी प्रकरणात एकत्र आल्याचे बोलले जात आहे. त्यामुळे पुण्यातून आणखी किती जणांना अटक होणार ? हे पाहणे उत्सुकतेचे ठरत आहे.
--------------
मनीषा हवालदार या फिजिक्स विषयाच्या शिक्षिका असून दोन वर्षांपूर्वी त्या मुख्याध्यापिका झाल्या होत्या. नीट पेपर सेट करणे किंवा इतर कामाबाबत त्यांनी वैयक्तिकपणे काम केले. त्याचा संस्थेशी काहीही संबंध नाही. संस्थेकडे त्यांनी या कामासाठी रजेसाठी अर्ज केला नव्हता. येत्या जून महिन्यात त्या सेवानिवृत्त होणार आहेत.
- सतीश गवळी, सचिव, विद्या प्रसारिणी सभा,
