तीन आणि पाच वर्षांच्या विधि अभ्यासक्रमांसाठी प्रवेशाचा 'पसंतीक्रम' भरण्यास मुदतवाढ

एज्युवार्ता न्यूज नेटवर्क 

विधि तीन वर्षे आणि पाच वर्षे (3-Year and 5-Year Courses) अभ्यासक्रमांच्या केंद्रीभूत प्रवेश प्रक्रियेतील (सीएपी) फेरीसाठी ‘ऑप्शन फॉर्म’ अर्थात पसंतीक्रम भरण्याच्या (Filling in the option form with preference order)अंतिम मुदतीत दोन दिवसांची वाढ करण्यात आली आहे. यापूर्वी विद्यार्थ्यांना ९ ऑगस्टपर्यंत आपले पसंतीक्रम नोंदवून (Register students by August 9)अर्ज सादर करायचे होते. आता ही मुदत ११ ऑगस्ट २०२६ पर्यंत वाढवण्यात आली आहे. यामुळे संबंधित उमेदवारांना अधिक वेळ मिळणार असून ते आपल्या पसंतीक्रमानुसार अर्ज पूर्ण करू शकतील.

काही विधि महाविद्यालये सध्या बार कौन्सिल ऑफ इंडियाची (बीसीआय) मान्यता तसेच संबंधित विद्यापीठाची संलग्नता मिळविण्याच्या प्रक्रियेत आहेत. आवश्यक वैधानिक मान्यता आणि विद्यापीठाची संलग्नता मिळाल्यानंतरच पात्र महाविद्यालयांचा समावेश मान्यताप्राप्त महाविद्यालयांच्या यादीत केला जात आहे. या प्रक्रियेमुळे सीएपी फेरीसाठी विद्यार्थ्यांना अधिकाधिक महाविद्यालयांचे पर्याय उपलब्ध व्हावेत, या उद्देशाने मुदतवाढ देण्यात आली आहे.

मान्यता आणि संलग्नतेची प्रक्रिया सुरू असलेल्या पात्र महाविद्यालयांचा उपलब्ध महाविद्यालयांच्या यादीत सातत्याने समावेश करण्यात येत आहे. त्यामुळे विद्यार्थ्यांना त्यांच्या पसंतीक्रमानुसार अधिक पर्याय निवडता येणार आहेत. सीईटी कक्षाने विद्यार्थ्यांना आवाहन केले आहे की, ते उपलब्ध महाविद्यालयांची अद्ययावत यादी तपासावी आणि त्यानुसार आपला पसंतीक्रम नोंदवून अर्ज भरावा.

तीन आणि पाच वर्षे विधी अभ्यासक्रमांच्या फेरीसाठी अर्ज भरण्याची आणि सादर करण्याची सुधारित अंतिम मुदत ११ ऑगस्ट २०२६ आहे. संबंधित उमेदवारांनी या मुदतीची नोंद घेऊन निर्धारित कालावधीत संपूर्ण प्रक्रिया पूर्ण करावी, असे सीईटी कक्षाकडून स्पष्ट करण्यात आले आहे. मुदत संपल्यानंतर अर्ज स्वीकारले जाणार नाहीत, त्यामुळे वेळेवर अर्ज सादर करणे आवश्यक आहे.

ही मुदतवाढ विद्यार्थ्यांसाठी महत्त्वाची ठरते कारण त्यांना अधिक महाविद्यालयांचा विचार करून योग्य निर्णय घेता येईल. प्रवेश प्रक्रियेत पारदर्शकता आणि संधींची उपलब्धता वाढविण्याच्या दृष्टिकोनातून ही पावले उचलण्यात आली आहेत. विद्यार्थ्यांनी अधिकृत संकेतस्थळावर नियमितपणे माहिती तपासून प्रक्रिया पूर्ण करावी.