पदवीधरांना नोकरीची  सुवर्णसंधी! एसबीआय बँकेत १५३८ लिपिक पदांच्या भरतीसाठी जाहिरात प्रसिद्ध  

एज्युवार्ता न्यूज नेटवर्क

स्टेट बँक ऑफ इंडियाने (एसबीआय) देशभरात लिपिक (कनिष्ठ सहकारी) (State Bank of India Junior Associate) पदांसाठी मोठ्या प्रमाणात भरती जाहीर केली आहे. एकूण १ हजार ५३८ रिक्त जागा (Total 1 thousand 538 vacancies) भरण्यासाठी पात्र उमेदवारांकडून ऑनलाइन अर्ज (Online application)  मागविण्यात आले आहेत. ही भरती बँकिंग क्षेत्रात करिअर (Banking Career) सुरू करू इच्छिणाऱ्या तरुणांसाठी महत्त्वाची संधी ठरणार आहे. अधिकृत जाहिरातनुसार अर्ज प्रक्रिया आज ७ ऑगस्ट २०२६ (Application process today 7th August 2026) रोजी सुरू झाली असून त्याची अंतिम मुदत २७ ऑगस्ट २०२६ पर्यंत असणार आहे. 

या पदासाठी शैक्षणिक पात्रता ही कोणत्याही शाखेतील पदवीधर असणे आवश्यक आहे. उमेदवाराने मान्यताप्राप्त विद्यापीठातून कोणत्याही विषयात पदवी प्राप्त केलेली असावी. वयोमर्यादा २० ते २८ वर्षे निश्चित करण्यात आली आहे. आरक्षित प्रवर्गातील उमेदवारांना नियमानुसार वयोमर्यादेत सूट मिळू शकते. अर्ज करण्यापूर्वी मूळ जाहिरात काळजीपूर्वक वाचून पात्रता तपासणे गरजेचे आहे.

अर्ज शुल्क सामान्य, ओबीसी आणि ईडब्ल्यूएस प्रवर्गातील उमेदवारांसाठी ७५० रुपये आहे. एससी, एसटी आणि दिव्यांग उमेदवारांसाठी शुल्क माफ आहे. अर्ज फक्त ऑनलाइन पद्धतीने एसबीआयच्या अधिकृत संकेतस्थळावर https://sbi.co.in/ वर करावे लागतील. मुदतीच्या नंतर आलेले अर्ज स्वीकारले जाणार नसल्याचे स्पष्ट करण्यात आले आहे.

उमेदवारांनी अर्ज करण्यापूर्वी सर्व अटी व शर्ती समजून घ्याव्यात.  तसेच अधिक माहितीसाठी अधिकृत जाहिरात संकेतस्थळावर पीडीएफ स्वरूपात उपलब्ध आहे. वेळेवर अर्ज करून ही सुवर्णसंधी साधण्याचे आवाहन बँकेकडून करण्यात आले आहे. सर्व अद्ययावत माहितीसाठी एसबीआयच्या अधिकृत वेबसाइटवर नियमित भेट द्यावी, असे आवाहन करण्यात आले आहे.