IIT मुंबईतील वसतिगृहातील मेस बंद करा; आयुक्त तुकाराम मुंढे यांच्या FDA कार्यालयाचे आदेश
विद्यार्थी आणि पालकांच्या आरोग्याच्या दृष्टिकोनातून अन्न सुरक्षा अत्यंत महत्त्वाची आहे. FDAच्या या कारवाईमुळे इतर मेस चालक आणि कंत्राटदारांनाही आवश्यक परवानग्या घेणे आणि नियमांचे पालन करणे आवश्यक असल्याचे स्मरण झाले आहे. पुढील काळातही अशाच अचानक पाहण्या सुरू राहतील, असे संकेत मिळत आहेत.
Eduvarta
एज्युवार्ता न्यूज नेटवर्क
अन्न आणि औषध प्रशासनाने(FDA) आयआयटी बॉम्बे येथील दोन वसतिगृहांच्या (IIT Bombay Hostel) मेस चालकांना त्यांचे कामकाज तात्काळ बंद करण्याचे आदेश (Orders to shut down the mess) दिले आहेत. आवश्यक परवानग्या आणि नोंदणी नसल्याचे स्पष्ट झाल्याने हे कठोर पाऊल उचलण्यात आले आहे. पवई परिसरातील आयआयटीच्या वसतिगृह क्रमांक १ आणि २ मधील मेसची अचानक पाहणी करण्यात आली. या दरम्यान या भोजनगृहांच्या चालकांकडे अन्न सुरक्षेशी (Food safety in restaurants) संबंधित आवश्यक परवाने नसल्याचे आढळून आले.
त्यामुळे संबंधित मेस चालकांना कामकाज थांबवण्याचे थेट निर्देश देण्यात आले. तसेच वसतिगृह क्रमांक १२, १३ आणि १४ मधील मेसच्या पाहणीदरम्यान काही त्रुटी आढळल्याने संबंधित कंत्राटदाराला आवश्यक सुधारणा करण्यासाठी नोटीस बजावण्यात आली आहे. अन्न सुरक्षा कायद्याच्या उल्लंघनाबाबत FDAने कठोर भूमिका घेतली आहे.
आयुक्त तुकाराम मुंडे यांच्या नेतृत्वाखाली राज्यभरात अन्न सुरक्षा कायद्याची कडक अंमलबजावणी केली जात आहे. या मोहिमेचा एक भाग म्हणून एफडीएने अनेक हॉटेल्स आणि रेस्टॉरंट्सचे परवाने निलंबित केले आहेत. आयआयटीसारख्या प्रतिष्ठित संस्थेतील वसतिगृह मेसच्या बाबतीतही नियमांचे पालन न केल्यास कारवाई केली जाईल, हे स्पष्ट झाले आहे.
विद्यार्थी आणि पालकांच्या आरोग्याच्या दृष्टिकोनातून अन्न सुरक्षा अत्यंत महत्त्वाची आहे. FDAच्या या कारवाईमुळे इतर मेस चालक आणि कंत्राटदारांनाही आवश्यक परवानग्या घेणे आणि नियमांचे पालन करणे आवश्यक असल्याचे स्मरण झाले आहे. पुढील काळातही अशाच अचानक पाहण्या सुरू राहतील, असे संकेत मिळत आहेत.
