टीईटी परीक्षेचा निर्णय एकटे शिक्षण मंत्री दादा भुसे घेणार नाहीत; मग कोण घेणार?
टीईटी परीक्षेचा निर्णय हा राज्याचे शालेय शिक्षण मंत्री दादा भुसे यांच्या स्तरावर घेतला जाणार नाही तर मंत्रिमंडळात त्यावर चर्चा करून निर्णय घेतला जाईल, असे राज्याचे उच्च व तंत्र शिक्षण मंत्री चंद्रकांत पाटील यांनी सांगितले आहे.
Eduvarta
एज्युवार्ता न्यूज नेटवर्क
महाराष्ट्र राज्य परीक्षा परिषदेतर्फे घेतल्या जाणाऱ्या टीईटी परीक्षेचा पेपर फुटल्यानंतर तो पुन्हा केव्हा घेतला जाणार याबाबत अद्याप अधिकृत माहिती प्रसिद्ध करण्यात आली नाही. मात्र, याबाबतचा निर्णय शालेय शिक्षण मंत्री दादा भुसे यांच्या स्तरावरही होणार नाही तर त्यावर मंत्रिमंडळात निर्णय घेतला जाईल, अशी माहिती राज्याचे उच्च व तंत्र शिक्षण मंत्री चंद्रकांत पाटील यांनी दिली.
टीईटी परीक्षा रद्द झाल्यामुळे शिक्षक चिंतेत आहेत. परीक्षा ऑफलाईन घेतले जाणार की ऑनलाईन घेतले जाणार याबद्दल महाराष्ट्र राज्य परीक्षा परिषदेतर्फे अद्याप अधिकृतपणे घोषणा झालेली नाही. राज्याचे शालेय शिक्षण मंत्री दादा भुसे यांनी टीईटी ऑनलाईन पद्धतीने घेण्यासंदर्भात अधिवेशनात माहिती दिली होती.ऑनलाइन परीक्षा घेण्याबाबत शिक्षण विभागाकडून चाचणी केली जात आहे. मात्र, टीईटी परीक्षा ही नऊ भाषांमध्ये घेतली जाते. या भाषांमध्ये ऑनलाईन पद्धतीने प्रश्न संच तयार करून परीक्षा घेणे शक्य आहे का ? याबद्दल अद्याप स्पष्टता आलेले नाही.
View this post on Instagram
देशभरातील सर्व शिक्षकांना टीईटी परीक्षा बंधनकारक करण्यात आली आहे. त्यामुळे सर्वच शिक्षक टीईटी परीक्षेची तयारी करत आहेत. चालू वर्षी या परीक्षेसाठी सहा लाखाहून अधिक उमेदवारांनी नोंदणी केली होती. हे सर्व उमेदवार पुन्हा टीईटी परीक्षा केव्हा घेतल्या जाणार याची वाट पाहत आहेत.
टीईटी परीक्षेचा निर्णय हा राज्याचे शालेय शिक्षण मंत्री दादा भुसे यांच्या स्तरावर घेतला जाणार नाही तर मंत्रिमंडळात त्यावर चर्चा करून निर्णय घेतला जाईल, असे राज्याचे उच्च व तंत्र शिक्षण मंत्री चंद्रकांत पाटील यांनी सांगितले आहे. त्यामुळे मंत्रिमंडळाच्या बैठकीत यावर काय चर्चा होणार आणि परीक्षेसंदर्भात काय निर्णय होणार हे पाहणे उत्सुकतेचे ठरणार आहे.
