CS परीक्षेसाठी वेळेत नोंदणी न केल्यास विद्यार्थी 'या' सुविधांपासून राहणार वंचित
जे उमेदवार ऑनलाइन केंद्रीकृत वर्गांद्वारे घेण्यात आलेल्या ऑनलाइन मूल्यांकन परीक्षेत बसू शकणार नाहीत त्यांना CS परीक्षेत बसण्यासाठी संस्थेद्वारे घेण्यात आलेल्या पूर्व परीक्षा उत्तीर्ण होणे आवश्यक आहे.
eduvarta@gmail.com 
एज्यूवार्ता न्युज नेटवर्क
इन्स्टिट्यूट ऑफ कंपनी सेक्रेटरीज ऑफ इंडियातर्फे (ICSI) कंपनी सेक्रेटरीज (CS) एक्झिक्युटिव्ह किंवा प्रोफेशनल परीक्षेला (Professional Examination) बसणाऱ्या उमेदवारांसाठी एक महत्त्वाची सूचना करण्यात आली आहे. येत्या 15 मार्चपर्यंत परीक्षेसाठी नोंदणी (Exam registration) करणाऱ्या उमेदवारांनाच ऑनलाइन क्लासरूम टीचिंग (Online Classroom Teaching) असेसमेंट चाचणीची सुविधा उपलब्ध असणार आहे.
ICSI- CS असेसमेंट टेस्ट 2024 साठीची लिंक अधिकृत वेबसाइट icsi.edu वर उपलब्ध असेल. उमेदवार ही परीक्षा पूर्वपरीक्षा चाचणी म्हणून देऊ शकतात. जे उमेदवार ऑनलाइन केंद्रीकृत वर्गांद्वारे घेण्यात आलेल्या ऑनलाइन मूल्यांकन परीक्षेत बसू शकणार नाहीत, त्यांना CS परीक्षेत बसण्यासाठी संस्थेद्वारे घेण्यात आलेल्या पूर्व परीक्षा उत्तीर्ण होणे आवश्यक असेल, असे नोटीस मध्ये सांगण्यात आले आहे.
“CS अभ्यासक्रमाच्या (एक्झिक्युटिव्ह किंवा प्रोफेशनल प्रोग्राम) प्रत्येक विद्यार्थ्याने एक्झिक्युटिव्ह किंवा प्रोफेशनल परीक्षेच्या त्यांच्या संबंधित मॉड्यूलमध्ये नावनोंदणी करण्यासाठी आणि उपस्थित होण्यासाठी पूर्व परीक्षा पूर्ण करणे आवश्यक आहे. या संदर्भात ICSI ने यापूर्वी सूचित केले आहे की ज्या विद्यार्थ्यांनी ICSI च्या ऑनलाइन केंद्रीकृत वर्गांसाठी नोंदणी केली आहे आणि जून 2024 च्या परीक्षांमध्ये बसण्यास पात्र आहेत . (एक्झिक्युटिव्ह प्रोग्राम किंवा प्रोफेशनल प्रोग्राम) त्यांनी यशस्वीरित्या चाचणी पूर्ण केल्यास त्यांना पूर्व परीक्षा या परीक्षेस बसण्यापासून सूट मिळेल.
CS एक्झिक्युटिव्ह, प्रोफेशनल परीक्षांसाठी अर्ज करणाऱ्या उमेदवारांना प्रति मॉड्यूल 1,200 रुपये अर्ज शुल्क भरावे लागेल. मॉड्यूल, परीक्षा केंद्र, माध्यम किंवा पर्याय विषय बदलणाऱ्या उमेदवारांना 250 रुपये भरावे लागतील.
परीक्षा जूनमध्ये होणार आहे
वेळापत्रकानुसार जून सत्रासाठी ICSI CS एक्झिक्युटिव्ह आणि प्रोफेशनल परीक्षा 1 ते 10 जून दरम्यान होणार आहे. सकाळी 09:00 ते दुपारी 12:15 या वेळेत एकाच शिफ्टमध्ये परीक्षा घेतली जाईल. उमेदवारांना सकाळी 9 ते 9:15 या वेळेत प्रश्नपत्रिका वाचण्यासाठी 15 मिनिटांचा अतिरिक्त वेळ मिळेल.
