NTA कडून CUET PG चा निकाल जाहीर, असा पाहता येणार निकाल
निकाल डाउनलोड केल्यानंतर निकालामध्ये दिलेला तपशील रोल नंबर, परिक्षार्थीचे नाव, पालकाचे नाव, परीक्षेतील उत्तीर्णतेची स्थिती आणि परीक्षेत मिळालेले एकूण गुण इत्यादी गोष्टी व्यवस्थित तपासून घ्याव्यात, असे आवाहन करण्यात आले आहे.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सीने (NTA) कॉमन युनिव्हर्सिटी एन्ट्रन्स टेस्ट पोस्ट-ग्रॅज्युएट (CUET PG) परीक्षेचा निकाल जाहीर (Results Announced) केला आहे. आपल्या निकालाची आतुरतेने वाट पाहणारे CUET PG परीक्षेला बसलेले विद्यार्थी NTA च्या अधिकृत वेबसाइट exams.nta.nic.in ला भेट देऊन आपला CUET PG निकाल २०२६ पाहून डाउनलोड करू शकतात.
निकाल डाउनलोड करण्यासाठी, सर्वप्रथम exams.nta.nic.in या अधिकृत वेबसाइटला भेट द्यावी लागेल. त्यानंतर, वेबसाइटच्या होमपेजवरील निकाल विभागावर क्लिक करा. तिथे गेल्यावर CUET PG Result 2026 या लिंकवर क्लिक करा. लिंकवर क्लिक केल्यानंतर, निकाल तुमच्या स्क्रीनवर उघडेल. निकाल डाउनलोड करून त्याची प्रिंट काढून घ्या.
CUET PG परीक्षा NTA द्वारे देशभरातील विविध परीक्षा केंद्रांवर ६ ते १३, १६ ते १९, २४, २५ आणि २७ मार्च २०२६ रोजी घेण्यात आली होती. परीक्षा दररोज दोन ते तीन शिफ्टमध्ये नियोजित करण्यात आली होती. निकाल डाउनलोड केल्यानंतर निकालामध्ये दिलेला तपशील रोल नंबर, परिक्षार्थीचे नाव, पालकाचे नाव, परीक्षेतील उत्तीर्णतेची स्थिती आणि परीक्षेत मिळालेले एकूण गुण इत्यादी गोष्टी व्यवस्थित तपासून घ्याव्यात, असे आवाहन करण्यात आले आहे.
