शाळांचे नाव इंटरनॅशनल, ग्लोबल, ठेवल्यास कारवाई; शिक्षण संचालक कार्यालयाचे आदेश 

एज्युवार्ता न्यूज नेटवर्क 

राज्यातील अनेक शाळा या विद्यार्थी, पालक यांची दिशाभूल करण्यासाठी शाळांच्या नावात international, global, CBSE अशा शब्दांचा वापर करत असल्याचे निदर्शनास आले आहे. मात्र, या पुढील काळात शाळांना अशी नावे देता येणार नाहीत.याबाबत शिक्षण संचालक कार्यालयातर्फे पत्रक प्रसिद्ध करण्यात आले आहे. तसेच ज्या शाळा असे शब्द वगळणार नाहीत, अशा शाळांवर कारवाई करण्याचा इशारा देण्यात आला आहे.

राज्य प्राथिकरणाकडे प्राप्त होणाऱ्या प्रकरणांच्या बाबत शाळांच्या नावांमध्ये मोठवा प्रमाणात भित्रता दिसून येते आहे.राज्यातील काही शाळा या राज्यमंडळ संलग्नित असतात. मात्र त्यांच्या नावामध्ये international, global,CBSE अशा प्रकारच्या शब्दांचा उपयोग केलेला दिसून येतो. तसेच काही शाळांच्या नावामध्ये Engish Medium असा उल्लेख असतो. परंतु, या शाळांना मान्यता मराठी माध्यमाची असल्याचे दिसून येते.

वास्तविकता शाळांचे नाव ठरविताना lntermational ,Global असा शब्द प्रयोग करताना या शाळेच्या अन्य शाखा परदेशात असणे अपेक्षित आहे. तसेच त्या शाळेची मंडळ संलग्नता ही आंतरराष्टरीय स्तरावरील मंडळाशी संलग्न असणे अपेक्षित आहे.काही शाळांच्या नावामध्ये CBSE असा शब्द प्रयोग केला जातो.मात्र हा शब्द प्रयोग करणे कायदेशीरदष्टया योग्य नाही, कारण CBSE हे बोर्डाचे नाव आहे.ही वस्तुस्थिती लक्षात घेता शाळांच्या नावाम्घ्ये इंटरनॅशनल, ग्लोबल, सीबीएसईं ईग्लिश मिडीयम, international., Global. CBSE English Medium शब्दांचा उपयोग करुन शासनाची समाजाची, पालकांची विद्यार्थ्यांची दिशाभूल होण्याची शक्यता नाकारता येत नाही.

 या दिशाभूल करणाऱ्या नावामुळें समाजावर प्रतिकूल परिणाम होऊ शकतो.ही पार्श्वभूमी लक्षात घेता स्वय अर्थसहाय्यित नवीन शाळा मान्यता, दर्जावाढ प्रस्तावांच्या छाननीसाठी आयोजित राज्यस्तरीय प्राधकरणाच्या बैठकीत याबाबत चचीं करणयात आली. तसेच पालक, विद्यार्थी यांच्यावर प्रतिकृल परिणाम होण्याची शक्यता असल्याने ही नावे शाळांना देऊ नयेत. तसेच असे प्रस्ताव स्वीकारले जाणार नसल्याचे संचालक कार्यालयाने स्पष्ट केले आहे.