बारावी उत्तीर्णांना नोकरीची सुवर्णसंधी, NPCIL मध्ये विविध पदांसाठी भरती प्रक्रिया सुरू
जर तुम्ही १२वी उत्तीर्ण असाल आणि चांगल्या सरकारी नोकरीच्या शोधात असाल, तर ही बातमी तुमच्यासाठी आनंदाची आहे. न्यूक्लियर पॉवर कॉर्पोरेशन ऑफ इंडिया लिमिटेडने कुडनकुलम अणुऊर्जा प्रकल्पात कॅटेगरी-II स्टायपेंडरी ट्रेनिंग/टेक्निशियन पदांसाठी एकूण २५५ रिक्त जागा भरण्यासाठी अधिसूचना प्रसिद्ध करण्यात आली आहे.
eduvarta@gmail.com 
एज्युवार्ता न्यूज नेटवर्क
जर तुम्ही १२वी उत्तीर्ण असाल आणि चांगल्या सरकारी नोकरीच्या शोधात असाल, तर ही बातमी तुमच्यासाठी आनंदाची आहे. न्यूक्लियर पॉवर कॉर्पोरेशन ऑफ इंडिया लिमिटेडने (NPCIL) कुडनकुलम अणुऊर्जा प्रकल्पात कॅटेगरी-II स्टायपेंडरी ट्रेनिंग/टेक्निशियन पदांसाठी (Training/Technician Post) एकूण २५५ रिक्त जागा (255 Vacancies) भरण्यासाठी अधिसूचना प्रसिद्ध (Notification released) करण्यात आली आहे. ही संधी १२वी (सायन्स) आणि आयटीआय उत्तीर्ण उमेदवारांसाठी उपलब्ध आहे.
ऑनलाइन अर्ज प्रक्रिया ८ जून २०२६ रोजी सकाळी १० वाजल्यापासून सुरू होईल आणि २९ जून २०२६ रोजी सायंकाळी ४ वाजेपर्यंत चालणार आहे. इच्छुक उमेदवारांनी अधिकृत वेबसाइट www.npcilcareers.co.in किंवा www.npcil.nic.in वर जाऊन अर्ज सादर करावा. या भरतीअंतर्गत प्लांट ऑपरेटर, इलेक्ट्रिशियन, फिटर, इलेक्ट्रॉनिक्स मेकॅनिक, इन्स्ट्रुमेंट मेकॅनिक, टर्नर, मशिनिस्ट आणि वेल्डर अशा ८ विविध ट्रेड्समध्ये पदे भरण्यात येणार आहेत.
या भरती मोहिमेत सहभागी होण्यासाठी शैक्षणिक पात्रता म्हणून प्लांट ऑपरेटर पदासाठी फिजिक्स, केमिस्ट्री आणि गणितासह १२वी किमान ५०% गुणांसह उत्तीर्ण असावे. इतर ट्रेड्ससाठी १०वी उत्तीर्ण (विज्ञान व गणितात ५०% गुण) असून संबंधित ट्रेडमध्ये दोन वर्षांचा आयटीआय कोर्स पूर्ण केलेला असावा. वय मर्यादा २९ जून २०२६ पर्यंत किमान १८ ते कमाल २४ वर्षे आहे. राखीव प्रवर्गाला भरती नियमाप्रमाणे सूट देण्यात येणार आहे. सर्वसाधारण, ओबीसी आणि ईडब्ल्यूएस पुरुष उमेदवारांसाठी १०० रुपये अर्ज शुल्क आहे, तर महिला, एससी/एसटी, दिव्यांग आणि माजी सैनिकांना सूट देण्यात आली आहे.
निवड प्रक्रियेत उमेदवारांना प्रिलिमिनरी लिखित परीक्षा, अॅडव्हान्स्ड टेस्ट, स्किल टेस्ट आणि कागदपत्र पडताळणी या टप्प्यांतून जावे लागेल. परीक्षा हिंदी, इंग्रजी आणि तमिळ भाषांमध्ये घेतली जाईल. यशस्वी उमेदवारांना प्रशिक्षणादरम्यान आकर्षक स्टायपेंड मिळेल आणि नंतर चांगला पगार व भत्ते मिळतील. ही भरती युवकांसाठी स्थिर सरकारी करिअरची उत्तम संधी आहे. अधिकृत नोटिफिकेशन वाचून वेळेत अर्ज करा.
