SPPU विद्यापीठातील शिक्षकेतर कर्मचाऱ्यांचे लेखणी बंद आंदोलन
शिक्षकेतर कर्मचाऱ्यांच्या विविध प्रलंबित मागण्यांसाठी दि. ५ नोव्हेंबर रोजी महाराष्ट्र राज्य विद्यापीठीय व महाविद्यालयीन सेवक कृती समितीच्या नेतृत्वाखाली उच्च शिक्षण संचालक कार्यालयावर धडक मोर्चा काढण्यात आला होता. या वेळी उच्च शिक्षण संचालकांनी दिवाळीनंतर उच्च शिक्षण विभाग तसेच संबंधित विभागाचे मंत्री व अधिकारी यांच्यासोबत बैठक आयोजित करून काही मागण्या मार्गी लावण्याचे आश्वासन दिले होते.
एज्युवार्ता न्यूज नेटवर्क
महाराष्ट्र राज्य विद्यापीठीय व महाविद्यालयीन सेवक कृती समितीच्या वतीने प्रलंबित विविध मागण्यांसाठी बुधवारी दि. १८ नोव्हेंबर रोजी सावित्रीबाई फुले पुणे विद्यापीठात लेखणी बंद आंदोलन करण्यात आले. या आंदोलनात सावित्रीबाई फुले पुणे विद्यापीठातील शिक्षकेतर कर्मचारी मोठ्या संख्येने सहभागी झाले.
शिक्षकेतर कर्मचाऱ्यांच्या विविध प्रलंबित मागण्यांसाठी दि. ५ नोव्हेंबर रोजी महाराष्ट्र राज्य विद्यापीठीय व महाविद्यालयीन सेवक कृती समितीच्या नेतृत्वाखाली उच्च शिक्षण संचालक कार्यालयावर धडक मोर्चा काढण्यात आला होता. या वेळी उच्च शिक्षण संचालकांनी दिवाळीनंतर उच्च शिक्षण विभाग तसेच संबंधित विभागाचे मंत्री व अधिकारी यांच्यासोबत बैठक आयोजित करून काही मागण्या मार्गी लावण्याचे आश्वासन दिले होते.
मात्र, आश्वासन देऊनही आजपर्यंत कोणतीही ठोस कार्यवाही झालेली नाही. त्यामुळे समितीने यापूर्वी स्थगित केलेल्या आंदोलनाचे टप्पे पुन्हा सुरू करण्याचा निर्णय घेतला आहे. त्यानुसार आंदोलनाच्या दुसऱ्या टप्प्यात बुधवारी दि. १८ नोव्हेंबर रोजी लेखणी बंद आंदोलन करण्यात आले.
या आंदोलनाबाबत सावित्रीबाई फुले पुणे विद्यापीठ शिक्षकेतर सेवक संयुक्त कृती समितीने कुलगुरूंना पत्राद्वारे माहिती देण्यात आली असून, आवश्यक ती कार्यवाही करण्याची विनंती केली आहे. प्रलंबित मागण्यांबाबत शासन व प्रशासनाकडून सकारात्मक निर्णय न झाल्याने शिक्षकेतर कर्मचाऱ्यांनी आंदोलनाची भूमिका घेतली आहे.