बँकेत नोकरीची मोठी संधी, IBPS मार्फत क्लर्क पदांसाठी भरती प्रक्रिया सुरू
प्रसिद्ध करण्यात आलेल्या जाहिरातीनुसार, आयबीपीएस कडून लिपिक भरतीसाठी १ ऑगस्ट ते २१ ऑगस्ट २०२५ पर्यंत अर्ज प्रक्रिया राबवण्यात येणार आहे. अर्ज शुल्क भरण्याची शेवटची तारीख देखील २१ ऑगस्ट आहे. आयबीपीएस लिपिक भरती प्राथमिक परीक्षा ऑक्टोबर २०२५ मध्ये होणार आहे.
eduvarta@gmail.com 
एज्युवार्ता न्यूज नेटवर्क
सरकारी नोकरीच्या शोधात असलेल्या तरुणांसाठी महत्त्वाची बातमी समोर आली आहे. इन्स्टिट्यूट ऑफ बँकिंग पर्सोनेल सिलेक्शन (IBPS) ने सरकारी बँकांमध्ये बंपर क्लर्क भरतीची (Clerk recruitment) घोषणा केली आहे. IBPS १ ऑगस्टपासून सरकारी बँकांमध्ये हजारो रिक्त क्लर्क पदे भरण्यासाठी अर्ज प्रक्रिया सुरू करणार आहे. इच्छुक आणि पात्र उमेदवार १ ऑगस्टपासून www.ibps.in किंवा ibpsonline.ibps वर जाऊन IBPS क्लर्क कस्टमर सर्व्हिस असोसिएट्स (CSA) भरती २०२५ साठी अर्ज करू शकतील.
प्रसिद्ध करण्यात आलेल्या जाहिरातीनुसार, आयबीपीएस कडून लिपिक भरतीसाठी १ ऑगस्ट ते २१ ऑगस्ट २०२५ पर्यंत अर्ज प्रक्रिया राबवण्यात येणार आहे. अर्ज शुल्क भरण्याची शेवटची तारीख देखील २१ ऑगस्ट आहे. आयबीपीएस लिपिक भरती प्राथमिक परीक्षा ऑक्टोबर २०२५ मध्ये होणार आहे. आयबीपीएस लिपिक भरती प्राथमिक परीक्षा उत्तीर्ण होणाऱ्या उमेदवारांना मुख्य परीक्षेसाठी बोलावले जाईल. मुख्य परीक्षा नोव्हेंबर २०२५ मध्ये होणार आहे.
या भरती प्रक्रियेत सहभागी होण्यासाठी उमेदवार मान्यताप्राप्त संस्थेतून पदवीधर असणे आवश्यक आहे. तसेच त्याची वयोमर्यादा किमान २० वर्षे आणि कमाल २८ वर्षे आहे, असे उमेदवार लिपिक पदासाठी अर्ज करण्यास पात्र असतील. अनुसूचित जाती आणि जमाती प्रवर्गातील उमेदवारांना कमाल वयोमर्यादेत पाच वर्षे आणि इतर मागासवर्गीयांना तीन वर्षे सूट दिली जाणार आहे.
