मुंबई विद्यापीठाच्या सर्व परीक्षा स्थगित : विद्यापीठाने केले स्पष्ट

एज्युवार्ता न्यूज नेटवर्क 

 
अलिकडच्या भारत-पाकिस्तान संघर्षादरम्यान "युद्धसदृश परिस्थितीमुळे मुंबई विद्यापीठाच्या सर्व परीक्षा पुढे ढकलण्यात आल्या आहेत" (All Mumbai University exams have been postponed due to war-like situation) असा दावा करणारी एक सिचणा सध्या सोशल मीडियावर व्हायरल होत आहे. या  सूचनेवर मुंबई विद्यापीठाने तत्काल  स्पष्टीकरण दिले आहे.

X वरील एका पोस्टमध्ये, विद्यापीठाने असे कोणतेही निर्देश जारी केले नसल्याचे म्हटले आहे.  (Mumbai University has said that no such instructions have been issued) आणि विद्यार्थ्यांना अचूक अपडेटसाठी केवळ अधिकृत स्रोतांवर, त्यांच्या वेबसाइट आणि सोशल मीडिया चॅनेलवर, अवलंबून राहण्याचे आवाहन केले आहे. 

७ मे २०२५ रोजी पाकिस्तान आणि पाकिस्तान प्रशासित काश्मीरमधील नऊ दहशतवादी स्थळांना लक्ष्य करून भारताने सुरू केलेल्या ऑपरेशन सिंदूरनंतर ही बनावट सूचना समोर आली आहे. 

अधिकृत विद्यापीठ संप्रेषणासारखे दिसणारे हे बनावट परिपत्रक विद्यार्थ्यांमध्ये, गोंधळाचे वातावरण निर्माण करत होते. यावर स्पष्टीकरण देताना  मुंबई विद्यापीठाने चुकीची माहिती पसरवणे हा दंडनीय गुन्हा असल्याचे नमूद केले आणि अधिकृत माध्यमांद्वारे माहिती पडताळण्याचे महत्त्व अधोरेखित केले. वाढत्या तणावामुळे आधीच अडचणीत असलेल्या विद्यार्थ्यांमध्ये या घटनेमुळे चिंता वाढली आहे.