TET परीक्षा देणाऱ्या उमेदवारांची संख्या सव्वा लाखाने वाढली; निकालाचा टक्का वाढणार?

28 जून रोजी घेतल्या जाणाऱ्या टीईटी परीक्षेसाठी 6 लाख 125 उमेदवारांनी नोंदणी केली आहे. मागीलवर्षी TET परीक्षेसाठी अर्ज करणाऱ्या उमेदवारांची संख्या 40 लाख 75 हजार 669 एवढी होती. त्यामुळे यंदा TET साठी नोंदणी करणाऱ्या उमेदवारांच्या संख्येत 1 लाख 24 हजार 456 ने वाढ झाली आहे.

May 29, 2026 - 14:26 Updated: May 30, 2026 - 06:59

TET परीक्षा देणाऱ्या उमेदवारांची संख्या सव्वा लाखाने वाढली; निकालाचा टक्का वाढणार?

एज्युवार्ता न्यूज नेटवर्क

महाराष्ट्र राज्य परीक्षा परिषदेच्या माध्यमातून महाराष्ट्र शिक्षक पात्रता परीक्षा अर्थात महा-टीईटी -TET परीक्षा येत्या 28 जून रोजी घेतली जाणार आहे. या परीक्षेसाठी नोंदणी करणाऱ्या उमेदवारांच्या संख्येत यंदा तब्बल सव्वा लाखाचे वाढ झाली आहे. सर्वोच्च न्यायालयाने TET परीक्षा बंधनकारक केल्याने सेवेत असलेल्या शिक्षकांना आणि शिक्षक होऊ इच्छिणारे उमेदवार मोठ्या संख्येने या परीक्षेसाठी नोंदणी करत आहेत. त्यामुळे यंदाही निकालात वाढ होण्याची शक्यता व्यक्त केली जात आहे.

राज्य परीक्षा परिषदेतर्फे 21 जून रोजी टीईटी परीक्षा घेतली जाणार होती. परंतु, नीट पेपर फुटीची घटना घडल्यामुळे एनटीए तर्फे नीट पुनर्परीक्षा 21 जून रोजी आयोजित करण्यात आली. त्यामुळे टीईटी परीक्षा 21 जून ऐवजी आता 28 जून रोजी घेतली जाणार आहे. नीट परीक्षा बंधनकारक केल्यामुळे परीक्षेसाठी नोंदणी करणाऱ्या उमेदवारांच्या संख्येत मोठी वाढ झाली आहे. मागील वर्षी 23 नोव्हेंबर 2025 रोजी घेण्यात आलेल्या TET परीक्षेस 4 लाख 75 हजार 669 उमेदवारांनी नोंदणी केली होती. त्यातील 4 लाख 46 हजार 730 उमेदवार प्रत्यक्षात परीक्षेस प्रविष्ट झाले. प्रविष्ट विद्यार्थ्यांपैकी 50 हजार 369 विद्यार्थी परीक्षेत पात्र झाले. त्यामुळे टीईटी निकालाची एकूण टक्केवारी 11.28 एवढी होती.

शिक्षण टीईटीबाबत सर्वोच्च न्यायालयाचा लाखो शिक्षकांना मोठा दिलासा; एक वर्षाची मुदतवाढ

राज्य परीक्षा परिषदेतर्फे 2013 पासून टीईटी परीक्षा घेतली जात आहे. पहिल्या टीईटी परीक्षेसाठी 6 लाखांहून अधिक उमेदवारांनी नोंदणी केली होती. या परीक्षेत 31 हजार 72 उमेदवार पात्र ठरले होते. तर परीक्षेचा निकाल 5.02 टक्के लागला होता. त्यानंतर यंदा प्रथमच 6 लाखांहून अधिक उमेदवारांनी टीईटी परीक्षेसाठी नोंदणी केली आहे. 28 जून रोजी घेतल्या जाणाऱ्या टीईटी परीक्षेसाठी 6 लाख 125 उमेदवारांनी नोंदणी केली आहे. मागीलवर्षी TET परीक्षेसाठी अर्ज करणाऱ्या उमेदवारांची संख्या 40 लाख 75 हजार 669 एवढी होती. त्यामुळे यंदा TET साठी नोंदणी करणाऱ्या उमेदवारांच्या संख्येत 1 लाख 24 हजार 456 ने वाढ झाली आहे.

2013 मध्ये टीईटी परीक्षेचा निकाल 5.2 लागला होता. त्यानंतर 2018 मध्ये पुन्हा एकदा टीईटीचा निकाल 5.13 पर्यंत वाढला होता. दरम्यानच्या कालावधीत केवळ दोन ते तीन टक्के निकाल लागला होता. त्यानंतर थेट 2025 मध्ये टीईटी चा निकाल 11.28 एवढा लागला. टीईटी उत्तीर्ण व्हा अन्यथा नोकरी गमवा, अशी शिक्षकांसमोर वेळ आल्यामुळे निकालात मोठी वाढ झाली, असल्याचे बोलले जात आहे. त्यामुळे उमेदवार टीईटी परीक्षेची जोरदार तयारी करत असल्याचे दिसून येत आहे. परिणामी 28 जून रोजी घेतल्या जाणाऱ्या टीईटी परीक्षेच्या निकालातही वाढ होईल, अशी शक्यता वर्तवली जात आहे.

वर्ष पात्र उमेदवार निकालाची टक्केवारी

2013 31,072. 5.02

2014 9,595. 2.31

2016. 8,989. 2.75

2017. 10,373. 3.48

2018 8,914. 5.13

2019. 9,205. 2.68

2021 17,324 3.70

2024 11,171 3.38

2025 50,369 11.28