ई-सिगारेट आणि ई-हुक्का विरोधात शिक्षकांनी उघडला मोर्चा  ; केंद्रीय शिक्षणमंत्र्यांना लिहिलेले पत्र 

एज्युवार्ता न्यूज नेटवर्क 

देशभरातील शाळांच्या शिक्षक आणि मुख्याध्यापकांच्या "टीचर्स अगेन्स्ट व्हेपिंग" ((Teachers Against Vaping) या  गटाने शाळेत जाणाऱ्या मुलांच्या सुरक्षिततेसाठी ई-सिगारेट आणि ई-हुक्का यांसारख्या नवीन-युगातील तंबाखूजन्य उपकरणांच्या विरोधात लढा पुकारला आहे.  

नवीन युगातील ई-सिगारेट हे पारंपरिक सिगारेट पिण्यापेक्षा निरुपद्रवी किंवा कमी हानिकारक आहेत, अशी चुकीची माहिती पसरवत आंतरराष्ट्रीय तंबाखू कंपन्या, नवीन बाजारपेठा शोधत आहेत, असा आरोप करत शिक्षकांच्या टीचर्स अगेन्स्ट व्हेपिंग या गटाने केंद्रीय शिक्षण मंत्री धर्मेंद्र प्रधान यांना पत्र लिहिले आहे.  

हेही वाचा : नवनियुक्त अंगणवाडी सेविकांची ‘दिवाळी’; राज्य शासनाकडून मोठे गिफ्ट

'' ई-सिगारेट्स  ज्यात वाफ काढणारी उपकरणे आणि ज्वालारहित तंबाखू उत्पादनांचा समावेश आहे, यांचा वाढता वापर ही  चिंतेची बाब बनली आहे. कारण त्यात भारतातील शाळेत जाणारी मुले ई-सिगारेट आणि ई-हुक्का यांच्या आहारी जात आहेत.  नवीनतम तंत्रज्ञान-आधारित  उपकरणांचे आकर्षण आणि ही उत्पादने कमी हानीकारक असल्याची चुकीची माहिती आमच्या मुलांसाठी एक मोठा धोका आहे."असे धर्मेंद्र प्रधान यांना लिहिलेल्या पत्रात नमूद काले आहे.

सर्व प्रकारच्या ई-सिगारेटच्या दुष्परिणामांबद्दल जागरुकता निर्माण करण्यासाठी आणि शिक्षक, पालक आणि मुलांना नवीन ट्रेंडबद्दल जागृक  करण्यासाठी नवीन कार्यक्रम हाती घ्यावा , अशी मागणी "टीचर्स अगेन्स्ट व्हेपिंग" नावाच्या गटाने केली आहे.