विद्यार्थी, शिक्षकांची बायोमॅट्रीक उपस्थिती तात्काळ पाठवा

एज्युवार्ता न्यूज नेटवर्क 

अनुदानास पात्र शाळांमधील शिक्षक, शिक्षकेत्तर कर्मचारी आणि विद्यार्थी यांची उपस्थिती तात्काळ बायोमॅट्रीक (Implement biometric system immediately) अथवा चेहरा ओळख (Face Recognition) प्रणालीद्वारे नोंदवण्याचे निर्देश पुणे जिल्हा परिषदेतील माध्यमिक शिक्षणाधिकारी डाॅ.भाऊसाहेब कारेकर यांनी काही दिवसांपूर्वी दिले होते. त्यानंतर आता पुणे महापालिकेच्या हद्दीतील अनुदानित व अनुदानास पात्र शाळांमधील विद्यार्थी, शिक्षक व शिक्षकेत्तर कर्मचारी यांची उपस्थिती तात्काळ बायोमॅट्रीक अथवा चेहरा ओळख प्रणालीद्वारे नोंदवण्याचे निर्देश प्राथमिक शिक्षण विभागाच्या प्रशासकीय अधिकारी आशा उबाळे यांनी काढले आहेत. 

अनुदान पात्र शाळांमधील विद्यार्थी, शिक्षक व शिक्षकेतर कर्मचारी यांची उपस्थिती बायोमॅट्रीक अथवा चेहरा ओळख प्रणालीद्वारे नोंदविण्याबाबत निर्देश देण्यात आलेले आहेत. तसेच बायोमॅट्रीक प्रणाली अथवा चेहरा ओळख प्रणालीद्वारे उपस्थितीची अट पूर्ण करण्यासाठी सर्व अंशतः अनुदानित शाळांना देण्यात आलेल्या मुदतीचे पालन करणाऱ्या शाळांचे वेतन अनुदान रोखून ठेवण्यात येणार असल्याची देखील आठवण करून देण्यात आली आहे. त्या अनुषंगाने पालिका हद्दीतील सर्व शाळांनी शिक्षण विभाग (प्राथमिक) पुणे मनपा, कै. भाऊसाहेब शिरोळे भवन, शिवाजीनगर, पुणे या कार्यालयाला सादर करावी.

बायोमॅट्रीक प्रणाली अथवा चेहरा ओळख प्रणालीद्वारे उपस्थितीची अट पूर्ण करण्यासाठी सर्व अंशतः अनुदानित शाळांना देण्यात आलेल्या मुदतीचे पालन न करणाऱ्या शाळांचे वेतन अनुदान रोखून ठेवण्यात येईल, असा इशाराही देण्यात आला होता. त्या अनुषंगाने आता पावले उचलले जात आहेत. अनुदान पात्र शाळांतील विद्यार्थ्याची माहिती डाटा विद्या समिक्षा केंद्र या प्रणालीवर अपलोड करण्यात आली आहे का ? बाबत अहवाल सादर करावा. शाळेतील विद्यार्थ्यांचे आधार कार्ड संलग्नित अपार आयडी कार्यान्वित करण्यात आले आहेत का? बाबत अहवाल सादर करावा. दरम्यान, सर्व माहिती परिपूर्ण यादीसह विहित मुदतीत प्राप्त न झाल्यास संबधित शाळा/तुकडी अनुदानापासून वंचित राहिल्यास त्याची सर्वस्वी जबाबदारी संस्था/मुख्याध्यापक यांची राहील, अशा सुचना देण्यात आल्या आहेत.