जळगावात मुलींच्या शाळेबाहेर मिनी मोबाईल विक्रीचा पर्दाफाश; दामिनी पथकाची कारवाई

एज्युवार्ता न्यूज नेटवर्क 

जळगाव शहरातील एका मुलींच्या शाळे (Jalgaon city Girls  School) बाहेर गुप्तपणे लहान आकाराचे मोबाईल (Small size mobile phone) विकण्याचा प्रकार उघडकीस आला आहे. दामिनी पथकाच्या (Damini squad) महिला कर्मचाऱ्यांनी काही दिवस सिव्हिल ड्रेसमध्ये पाळत (Guard in civilian dress) ठेवल्यानंतर हा प्रकार समोर आला. शाळेबाहेर तात्पुरते स्टॉल लावून काही व्यक्ती केवळ ९०० ते १००० रुपये (Price 900-1000 rupees) किंमतीचे अत्यंत छोटे मोबाईल विकत होते. आकाराने लहान असल्याने हे फोन पालक आणि शिक्षकांच्या सहज लक्षात येत नसत.

तपासात असेही निष्पन्न झाले की, हे व्यक्ती मुलींना स्वतःच्या मोबाईलवरून अनोळखी व्यक्ती किंवा मुलांशी संपर्क साधून देत होते. यामुळे विद्यार्थिनींची सुरक्षा धोक्यात येण्याची शक्यता निर्माण झाली होती. दामिनी पथकाने तत्परता दाखवत काही विद्यार्थिनींकडून हे मिनी मोबाईल जप्त केले आहेत.

या घटनेचे गांभीर्य लक्षात घेऊन पोलिसांनी तत्काळ शाळा प्रशासन आणि संबंधित पालकांना बोलावले. मुलींना त्यांच्या ताब्यात देत योग्य ते समुपदेशन करण्यात आले आहे. शालेय वयातील मुलींना अशा आमिषांना बळी पडण्यापासून रोखण्यासाठी हे पाऊल महत्त्वाचे मानले जात आहे.

पोलिसांनी या प्रकाराबाबत पुढील कारवाई सुरू केली असून, भविष्यात अशा घटना टाळण्यासाठी शाळा परिसरात अधिक दक्षता घेण्याचे आवाहन केले आहे. पालक आणि शिक्षकांनीही मुलींच्या हालचालींवर लक्ष ठेवण्याची गरज व्यक्त करण्यात आली आहे.