CET Cell : कॅप प्रवेशात विद्यार्थ्यांसाठी मोठी सुविधा! आता पसंतीक्रम भरतानाच दिसणार मागील वर्षाचे कट-ऑफ
महाराष्ट्रातील अभियांत्रिकी, फार्मसी, कृषी, व्यवस्थापन आणि इतर व्यावसायिक अभ्यासक्रमांसाठी केंद्रीय प्रवेश प्रक्रिया करणाऱ्या लाखो विद्यार्थ्यांसाठी यंदा मोठी सवलत देण्यात आली आहे.
Eduvarta
एज्युवार्ता न्यूज नेटवर्क
महाराष्ट्रातील अभियांत्रिकी, फार्मसी, कृषी, व्यवस्थापन (Pharmacy, Agriculture, Management) आणि इतर व्यावसायिक अभ्यासक्रमांसाठी केंद्रीय प्रवेश (Central admission for courses) प्रक्रिया (CAP) करणाऱ्या लाखो विद्यार्थ्यांसाठी यंदा मोठी सवलत (Big discount for lakhs of students this year) देण्यात आली आहे. सीईटी सेलने प्रवेश पोर्टलमध्ये नवी सुविधा (New feature in the admission portal) सुरू केली असून, पसंतीक्रम भरताना प्रत्येक महाविद्यालय आणि शाखेचे मागील वर्षाचे पात्रता गुण (कट-ऑफ) थेट स्क्रीनवर दिसणार आहेत. यामुळे विद्यार्थ्यांना अंदाजे पसंतीक्रम भरण्याची गरज राहणार नाही.
यापूर्वी विद्यार्थ्यांना वेगवेगळ्या वेबसाइट्सवरून कट-ऑफ शोधावे लागत होते. अपुरी किंवा चुकीची माहिती मिळाल्याने अनेकदा अवास्तव पसंतीक्रम भरले जात असत. चांगले गुण असूनही इच्छित महाविद्यालय हातून जाण्याची समस्या वारंवार उद्भवत होती. सीईटी सेलने ही अडचण ओळखून प्रवेश पोर्टलमध्ये ही सुविधा उपलब्ध करून दिली आहे. विद्यार्थी महाविद्यालय किंवा शाखा निवडताच त्याच्या बाजूलाच मागील वर्षाचा कट-ऑफ दिसेल, ज्यामुळे स्वतःच्या गुणांची तुलना करणे सोपे होईल.
या नव्या सुविधेमुळे विद्यार्थ्यांना वास्तववादी आणि संतुलित पसंतीक्रम भरणे शक्य होणार आहे. अनावश्यक गोंधळ, धावपळ आणि चुकीच्या पर्यायांमुळे होणारे नुकसान टळेल. प्रवेश मिळण्याची शक्यता वाढेल आणि विद्यार्थ्यांना मनाप्रमाणे कॉलेज मिळण्याची आशा निर्माण झाली आहे. अभियांत्रिकी, फार्मसी, कृषी, एमबीए/एमएमएस सारख्या सर्व कॅप अभ्यासक्रमांसाठी ही सुविधा लागू राहणार आहे.
साईटी सेलने प्रवेश प्रक्रिया सुरू होण्यापूर्वी या सुविधेची वारंवार चाचणी घेतली असून, सर्व काही सुरळीत चालेल, असे स्पष्ट केले आहे. विद्यार्थ्यांनी स्वतःचे गुण आणि मागील वर्षाचे कट-ऑफ लक्षात घेऊन काळजीपूर्वक पसंतीक्रम भरावा, जेणेकरून उत्तम परिणाम मिळू शकेल. ही सुविधा यंदाच्या प्रवेश प्रक्रियेला अधिक पारदर्शक आणि विद्यार्थी फ्रेण्डली बनवणारी ठरली आहे.
