सुनील मोरे आत्महत्या प्रकरणात प्राथमिक शिक्षणाधिकारींना सहआरोपी करून निलंबित करण्याची मागणी
निवेदनात गटशिक्षणाधिकारी आणि शिक्षक यांच्यातील वाद मिटविण्याऐवजी प्रकरण अधिक चिघळवण्यास प्राथमिक शिक्षणाधिकारी जबाबदार असल्याचे सांगण्यात आले. या प्रकरणाची सखोल चौकशी करून वंदना फुटाणे यांना सहआरोपी करावे आणि त्यांना तात्काळ निलंबित करण्यात यावे, अशी मागणी प्रकाश मारावार यांनी अधिकार्यांकडे केली आहे.
Eduvarta
एज्युवार्ता न्यूज नेटवर्क
नांदेड जिल्ह्यातील शिक्षक सुनील मोरे (Teacher Sunil More) यांच्या आत्महत्या प्रकरणाने (Suicide case) पुन्हा एकदा शिक्षण विभागात खळबळ उडवली आहे. शिवसेना (उद्धव बाळासाहेब ठाकरे) पक्षाचे स्थानिक नेते प्रकाश मारावार यांनी प्राथमिक शिक्षणाधिकारी वंदना फुटाणे (Primary Education Officer Vandana Phutane) यांना सहआरोपी करण्यात यावे आणि त्यांना तात्काळ निलंबित करण्यात यावे, अशी मागणी (Demand to implead as a co-accused) केली आहे. यासंदर्भात त्यांनी शिक्षण संचालक, शिक्षण उपसंचालक आणि जिल्हा परिषदेचे मुख्य कार्यकारी अधिकारी महेश पाटील यांना निवेदन (Demand made through a memorandum) दिले आहे..
नांदेड जिल्हा परिषद शिक्षण विभागात अनागोंदी कारभार आणि बेजबाबदार कार्यपद्धती सुरू आहे. सुनील मोरे यांनी गेल्या वर्षभरात आपल्या अडचणी आणि तक्रारी प्राथमिक शिक्षणाधिकारी वंदना फुटाणे यांच्याकडे वारंवार मांडल्या होत्या. मात्र, त्यांच्या समस्या सोडवण्याऐवजी त्यांना कारणे दाखवा नोटीस बजावण्यात आली आणि निलंबनाची धमकी देण्यात आली. या अनागोंदी कारभारामुळे शिक्षण विभागाची प्रतिमा मलिन होत असल्याचा आरोप प्रकाश मारावार यांनी निवेदनात केला आहे.
निवेदनात गटशिक्षणाधिकारी आणि शिक्षक यांच्यातील वाद मिटविण्याऐवजी प्रकरण अधिक चिघळवण्यास प्राथमिक शिक्षणाधिकारी जबाबदार असल्याचे सांगण्यात आले. या प्रकरणाची सखोल चौकशी करून वंदना फुटाणे यांना सहआरोपी करावे आणि त्यांना तात्काळ निलंबित करण्यात यावे, अशी मागणी प्रकाश मारावार यांनी अधिकार्यांकडे केली आहे.
सुनील मोरे आत्महत्या प्रकरणाने नांदेड जिल्ह्यातील शिक्षण विभागातील प्रशासकीय गोंधळ उघड केला आहे. शिक्षकांच्या समस्या गांभीर्याने घेणे आणि त्यांना न्याय मिळवून देणे गरजेचे असल्याचे मत व्यक्त केले जात आहे. या निवेदनानंतर जिल्हा प्रशासन काय भूमिका घेते, याकडे शिक्षक वर्गाचे लक्ष लागले आहे.
