UPSC : केंद्रीय सशस्त्र पोलीस दल परीक्षेचा निकाल जाहीर
परीक्षेत बसलेले उमेदवार अधिकृत वेबसाइट upsc.gov.in ला भेट देऊन निकाल तपासू शकतात. निकाल PDF फॉरमॅटमध्ये उपलब्ध करण्यात आला आहे.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (UPSC) केंद्रीय सशस्त्र पोलीस दल (CAPF) असिस्टंट कमांडंट परीक्षा 2024 चा निकाल जाहीर (Results announced) केला आहे. परीक्षेत बसलेले उमेदवार अधिकृत वेबसाइट upsc.gov.in ला भेट देऊन निकाल तपासू शकतात. निकाल PDF फॉरमॅटमध्ये उपलब्ध करण्यात आला आहे. ज्यामध्ये पुढील निवड प्रक्रियेसाठी शॉर्टलिस्ट केलेल्या उमेदवारांचे रोल नंबर देण्यात आले आहेत.
यासाठी 4 ऑगस्ट 2024 रोजी लेखी परीक्षा घेण्यात आली होती. या भरती प्रक्रियेद्वारे विविध विभागातील एकूण 506 रिक्त जागा भरल्या जाणार आहेत. त्यापैकी 186 पदे BSF, 120 CRPF, 100 CISF, 58 ITBP आणि 42 SSB साठी राखीव आहेत. लेखी परीक्षेत पात्र ठरलेल्या सर्व उमेदवारांना UPSC वेबसाइटवर नोंदणी करावी लागेल आणि अर्ज (DAF) भरावा लागेल. DAF अधिकृत वेबसाइट (upsc.gov.in) द्वारे संबंधित प्रमाणपत्रांच्या स्कॅन प्रतींसह ऑनलाइन सबमिट करावे लागेल.
असा तपासा निकाल
उमेदवारांनी सर्वप्रथम UPSC च्या अधिकृत वेबसाइट upsc.gov.in वर जावे. मुख्यपृष्ठावर 'नवीन काय आहे' विभाग शोधा. 'केंद्रीय सशस्त्र पोलिस दल (ACS) परीक्षेचा लिखित निकाल, 2024' शीर्षक असलेल्या निकाल लिंकवर क्लिक करा. UPSC CAPF AC निकाल PDF डाउनलोड करा. पीडीएफ उघडा आणि 'केंद्रीय सशस्त्र पोलिस दल (असिस्टंट कमांडंट) परीक्षा, 2024' अंतर्गत तुमचा रोल नंबर शोधा.
