धक्कादायक! नागपूर विधी विद्यापीठात रॅगिंगचा प्रकार

एज्युवार्ता न्यूज नेटवर्क 

राज्याचे मुख्यमंत्री आणि गृहमंत्री देवेंद्र फडणवीस (CM and Home Minister Devendra Fadnavis) त्यांच्या पुढाकारातून नागपूरात राष्ट्रीय स्तरावरच्या विधी विद्यापीठाची (Nagpur Law University) सुरवात करण्यात आली. मात्र, अवघ्या काही दिवसांत या विद्यापीठात वरिष्ठ विद्यार्थीनीकडून कनिष्ठ विद्यार्थीनीची रॅगिंग (Ragging of a Female Student) झाल्याचा धक्कादायक प्रकार (Shocking Incident) चव्हाट्यावर आला आहे. कायद्याचे अभ्यासक असलेल्या विद्यार्थ्यांकडूनच कायद्याची अशी पायमल्ली झाल्याने संपूर्ण शैक्षणिक वर्तुळातही त्याच्या प्रतिक्रिया उमटताना दिसत आहेत. 

नागपूरातील महाराष्ट्र राष्ट्रीय विधी विद्यापीठात शुक्रवारी रात्री हा रॅगिंगचा धक्कादायक घडला. आश्चर्याची बाब म्हणजे विद्यार्थिनी पोलिसात तक्रार देण्यास गेली असता तिची तक्रार घेण्यास तयार नव्हते, असा आरोप करण्यात आला आहे. वरिष्ठ पोलिस अधिकाऱ्यांनी दखल घेतल्यानंतर रात्री उशीरा या प्रकरणी गुन्हा नोंद करण्यात आला आहे.

प्राथमिक माहितीनुसार, तक्रारदार व जिच्याविरोधात तक्रार झाली अशा दोघीही विद्यापीठाच्या वसतीगृहात एकाच खोलीत राहतात. काही दिवसांपासून 'वरिष्ठ विद्यार्थिनीकडून विविध कारणांवरून पिडीत विद्यार्थिनीला त्रास दिला जात होता. दोघीही अभ्यासात हूशार असून 'कनिष्ठ विद्यार्थीनी अभ्यासाला बसल्यावर वरिष्ठ विद्यार्थिनी तिला सर्व दिवे बंद करायला लावायची. यावरून दोघींमध्ये वादाची ठिणगी पेटली. त्यामुळे पिडीत विद्यार्थिनी मानसिक तणावात गेली. त्यातूनच पिडीतेला धक्काबुक्कीत हाताला मार लागला. अखेर 'ज्युनिअर' विद्यार्थिनीने विद्यापीठ प्रशासनाकडे तक्रार केली. हे प्रकरण तातडीने 'अँटी रॅगिंग कमिटी'कडे पाठविण्यात आले व चौकशीला सुरुवात झाली आहे.