अहमदाबादमध्ये नवे नीट फेरपरिक्षा रॅकेट उघड; २० लाखांत ६२०+ गुणांचे आमिष
शुभम ठाकर यांच्या म्हणण्यानुसार, या रॅकेटमधील एक ऑपरेटर दिल्लीतील एका नामांकित कोचिंग क्लासमध्ये काम करतो. त्याने पेपर खरा असल्याचा दावा करत ३५ लाख रुपये देऊन आधी प्रश्नपत्रिका विकत घेतल्याचा आणि उर्वरित परीक्षेपूर्वी मिळवण्याचा दावा केला होता.
eduvarta@gmail.com 
एज्युवार्ता न्यूज नेटवर्क
नीट परीक्षेच्या पेपरफुटी (NEET Exam Paper Leak) प्रकरणानंतर २१ जूनला होणाऱ्या फेरपरिक्षेच्या (Re-examination on June 21st) पार्श्वभूमीवर पुन्हा एकदा एक मोठे ऑनलाइन रॅकेट सक्रिय (Online Racket Active) झाल्याचा दावा करण्यात आला आहे. प्रश्नपत्रिकांच्या सुरक्षेसाठी हवाई दलाची मदत घेण्याची चर्चा सुरू असतानाच हे नवे रॅकेट उघड झाले आहे. त्यामुळे ही परीक्षा तरी पारदर्शक होणार आहे का? असा प्रश्न उपस्थित होत आहे. या प्रकरणी अहमदाबाद येथील सामाजिक कार्यकर्ते शुभम ठाकर (Shubham Thakar) यांनी सायबर क्राईम पोलिसांत गुन्हा दाखल करण्यात आला आहे. सायबर पोलिस सर्व बाजूंनी तपास करत आहेत.
दाखल तक्रारीनुसार, विविध सोशल मीडिया चॅनेल्सद्वारे नीट फेरपरिक्षेच्या प्रश्नपत्रिका आणि 'गॅरंटीड स्कोअर'चे आमिष दाखवून विद्यार्थी व पालकांकडून मोठ्या रकमेची फसवणूक केली जात आहे. रॅकेटची कार्यपद्धतीया चॅनेल्सवर ६०,००० ते १ लाख रुपयांपर्यंत रक्कम मागितली जाते. तर ६२०+ गुण (टॉप स्कोअर) मिळवून देण्याचे आमिष दाखवून २० लाख रुपयांपर्यंत रक्कम मागण्याचे प्रकार समोर आले आहेत. हे चॅनेल्स युजरनेम बदलून ओळख लपवतात आणि फक्त ओळखीच्या आधारावर सदस्यांना प्रवेश देतात, असा दावा करण्यात आला आहे.
एका नॅशनल वृत्तवाहिनीच्या पत्रकाराने विद्यार्थ्याच्या पालकाच्या भूमिकेतून या चॅनेल ऑपरेटरशी संपर्क साधला. त्यावेळी ऑपरेटरने सांगितले, आधी ५०,००० रुपये टोकन म्हणून भरा. नंतर बंगळुरूतील आमच्या कार्यालयात साहेबांना भेटा. पूर्ण रक्कम भरा. परीक्षेच्या दिवशी OMR पत्रिका रिकामा ठेवा. आमची मुख्य एजन्सीशी सेटिंग आहे. आम्ही योग्य उत्तरे भरू आणि ६२०+ गुण मिळवून देऊ, या दाव्याने देशभरात पुन्हा एकदा खळबळ उडाली आहे.
शुभम ठाकर यांच्या म्हणण्यानुसार, या रॅकेटमधील एक ऑपरेटर दिल्लीतील एका नामांकित कोचिंग क्लासमध्ये काम करतो. त्याने पेपर खरा असल्याचा दावा करत ३५ लाख रुपये देऊन आधी प्रश्नपत्रिका विकत घेतल्याचा आणि उर्वरित परीक्षेपूर्वी मिळवण्याचा दावा केला होता. पालकांना QR कोडद्वारे पैसे पाठवण्यास सांगितले जात असल्याचेही ठाकर यांनी सांगितले आहे. पूर्वीच्या नीट पेपरफुटी प्रकरणाची सीबीआय चौकशी सुरू असतानाच हा नवा प्रकार समोर आला आहे.
