NEET UG 2026 Counselling: ५ ऑगस्टपासून नोंदणी सुरू, MCC ने जाहीर केले वेळापत्रक

एज्युवार्ता न्यूज नेटवर्क 

मेडिकल काऊन्सिलिंग कमिटीने (MCC) NEET UG 2026 च्या काऊन्सिलिंगचे (NEET UG 2026 Counselling) वेळापत्रक जाहीर केले आहे. या कार्यक्रमानुसार पहिल्या फेरीसाठी ऑनलाइन नोंदणी (Online registration) ५ ऑगस्ट २०२६ रोजी सुरू होणार असून, इच्छुक उमेदवार १२ ऑगस्टपर्यंत अर्ज करू शकतील. या काऊन्सिलिंग प्रक्रियेद्वारे १५ टक्के ऑल इंडिया कोटा (15 All India Quota)आणि MCC च्या अधिकारक्षेत्रातील इतर जागांवर MBBS, BDS आणि BSc Nursing या अभ्यासक्रमांमध्ये प्रवेश दिले जातील. निकाल जाहीर झाल्यानंतर जवळपास दीड महिन्यानंतर अखेर काऊन्सिलिंग प्रक्रिया सुरू होत असल्याने विद्यार्थी आणि पालकांमध्ये (Student & Parent Excitement) उत्सुकता वाढली आहे.

NEET UG २०२६ ची मूळ परीक्षा ३ मे रोजी घेण्यात आली होती. मात्र पेपर फुटीच्या गंभीर आरोपांमुळे ही परीक्षा रद्द करण्यात आली. त्यानंतर २१ जून २०२६ रोजी फेरपरीक्षा घेण्यात आली आणि १६ जुलै २०२६ रोजी निकाल जाहीर करण्यात आला. यात एकूण ११.२१ लाख विद्यार्थी पात्र ठरले आहेत. पेपर लीक प्रकरणामुळे संपूर्ण देशात मोठा वाद निर्माण झाला होता. परीक्षेच्या तयारीत व्यत्यय आल्याने अनेक विद्यार्थ्यांचे वर्ष वाया गेले. या प्रकरणात २२ विद्यार्थ्यांनी तणाव आणि नैराश्यामुळे आत्महत्या केल्याची दुर्दैवी घटना समोर आली आहे.

पेपर फुटी प्रकरणाने राजकीय वातावरणही तापले. काँग्रेस नेते राहुल गांधी यांनी राजस्थानात विद्यार्थ्यांच्या मेळाव्यांद्वारे मुद्दा उपस्थित केला. दुसरीकडे, सर्वोच्च न्यायालयातील एका टिप्पणीमुळे सोशल मीडियावर ‘कॉक्रोच जनता पार्टी’ हे नवे प्लॅटफॉर्म तयार झाले. अभिजीत दीपके यांनी हा प्लॅटफॉर्म सुरू करून NEET पेपर लीकचा मुद्दा प्रभावीपणे मांडला. या घटनांमुळे परीक्षा प्रणालीतील पारदर्शकता आणि सुरक्षा याबाबत देशव्यापी चर्चा सुरू झाली आहे.

विद्यार्थ्यांच्या भवितव्याशी निगडित असलेल्या या प्रक्रियेकडे आता सर्वांचे लक्ष लागले आहे. MCC ने जाहीर केलेल्या वेळापत्रकानुसार काऊन्सिलिंग सुरळीत पार पडावी आणि पात्र विद्यार्थ्यांना योग्य जागा मिळाव्यात, अशी अपेक्षा सर्व स्तरातून व्यक्त होत आहे.