एनसीईआरटी गट अ, ब आणि क परीक्षेचे वेळापत्रक जाहीर
ज्या उमेदवारांनी एनसीईआरटी गट अ, ब आणि क परीक्षांसाठी नोंदणी त्यांचे लवरकच प्रवेशपत्र जारी केली जाणार आहेत. या भरती परीक्षेद्वारे एकूण १७० पदे भरली जातील. यामध्ये सर्वसाधारण प्रवर्गासाठी ८६, ओबीसीसाठी ४४, एससीसाठी १४, एसटीसाठी १८ आणि ईडब्ल्यूएससाठी ११ राखीव पदांचा समावेश आहे. यासाठी परीक्षा एप्रिल महिन्यात घेतली जाईल.
eduvarta@gmail.com 
एज्युवार्त न्यूज नेटवर्क
राष्ट्रीय शैक्षणिक संशोधन आणि प्रशिक्षण परिषदेने (NCERT) गट अ, ब आणि क पदांच्या (Group A, B, C) भरतीसाठी परीक्षेचे वेळापत्रक जाहीर केले आहे. प्रसिद्ध केलेल्या वेळापत्रकानुसार, (Schedule Announced) ज्युनियर अकाउंटंट, कॅमेरामॅन ग्रेड-२, इंजिनिअरिंग असिस्टंट, प्रोफेशनल असिस्टंट, सिनियर अकाउंटंट, प्रोडक्शन असिस्टंट आणि स्क्रिप्ट रायटर परीक्षा २७ एप्रिल २०२६ रोजी, स्टोअर्स ऑफिसर आणि असिस्टंट इंजिनिअर ग्रेड-अ परीक्षा २८ एप्रिल रोजी आणि असिस्टंट पब्लिक रिलेशन्स ऑफिसर पदाची परीक्षा २९ एप्रिल २०२६ रोजी विविध परीक्षा केंद्रांवर आयोजित केली जाईल.
ज्या उमेदवारांनी एनसीईआरटी गट अ, ब आणि क परीक्षांसाठी नोंदणी त्यांचे लवरकच प्रवेशपत्र जारी केली जाणार आहेत. या भरती परीक्षेद्वारे एकूण १७० पदे भरली जातील. यामध्ये सर्वसाधारण प्रवर्गासाठी ८६, ओबीसीसाठी ४४, एससीसाठी १४, एसटीसाठी १८ आणि ईडब्ल्यूएससाठी ११ राखीव पदांचा समावेश आहे. यासाठी परीक्षा एप्रिल महिन्यात घेतली जाईल.
एनसीईआरटी लवकरच गट अ, ब आणि क परीक्षांसाठी प्रवेशपत्रे जारी करणार आहे. प्रवेशपत्र डाउनलोड करण्यासाठी, उमेदवारांना सर्वप्रथम ncert.nic.in या अधिकृत वेबसाइटला भेट द्यावी लागले. वेबसाइटच्या होमपेजवर, उमेदवारांनी 'ऍडमिट कार्ड' (Admit Card) सेक्शनवर क्लिक करावे. यानंतर, 'एनसीईआरटी ग्रुप ए बी सी ऍडमिट कार्ड २०२६' (NCERT Group A B C Admit Card 2026) या लिंकवर क्लिक करा. लिंकवर क्लिक केल्यानंतर, तुम्हाला तुमचा लॉगिन तपशील प्रविष्ट करावा लागेल. तुमचा लॉगिन तपशील प्रविष्ट केल्यानंतर, प्रवेशपत्र तुमच्या स्क्रीनवर उघडेल. त्याला डाउनलोड करून त्याची प्रिंट काढून घ्या.
