नागपूर हादरले! बॉयफ्रेंडसोबत व्हिडिओ कॉलवर बोलत असताना नर्सिंग विद्यार्थिनीने संपवले जीवन 

एज्युवार्त न्यूज नेटवर्क 

नागपूरच्या (Nagpur Crime News) हिंगणा परिसरात एक हृदयद्रावक घटना समोर आली आहे. एका २३ वर्षीय नर्सिंगच्या विद्यार्थिनीने (Nursing students) प्रियकराशी व्हिडिओ कॉलवर बोलत असतानाच गळफास घेऊन आत्महत्या (Suicide by hanging) केली. विद्यार्थिनी हिंगणा येथील आकार नर्सिंग महाविद्यालयात अंतिम वर्षाला शिक्षण घेत होती. विद्यार्थिनीचे नाव विध्येश्वरी आपटे (Student Vidyeshwari Apte) असून ती मुळची वाशिम जिल्ह्यातील रहिवासी आहे. 

विद्यार्थीनी हिंगणा येथील डीएनडी हाईट्समधील एका फ्लॅटमध्ये आपल्या मैत्रिणींसोबत राहत होती. मैत्रिणी पदवीप्रदान कार्यक्रमला गेल्या असती ती एकटी फ्लॅटवर होती. विध्येश्वरीच्या प्रियकराचे दोन दिवसांपूर्वीच लग्न झाले होते, ज्यामुळे ती प्रचंड मानसिक तणावात होती, अशी माहिती विद्यार्थिनीच्या मैत्रीणींनी दिली आहे. आत्महत्येपूर्वी तिने आपल्या प्रियकराला व्हिडीओ कॉल केला होता आणि त्या दरम्यानच तिने हा टोकाचा निर्णय घेतल्याची प्राथमिक माहिती समोर येत आहे. 

विद्यार्थीनी गेल्या काही दिवसांपासून ती मानसिक तणावात होती, अशी चर्चा मित्रपरिवारात सुरू आहे. या घटनेची माहिती मिळताच हिंगणा पोलिसांनी घटनास्थळी गाठून मृतदेह शवविच्छेदनासाठी पाठवला आहे. या प्रकरणी पोलिसांनी आकस्मिक मृत्यूची नोंद केली असून, आत्महत्येचे नेमके कारण शोधण्यासाठी तांत्रिक पुरावे आणि मोबाईल कॉल रेकॉर्ड्सचा तपास केला जात आहे.