जेजे रुग्णालयातील एमबीबीएसच्या विद्यार्थ्याची आत्महत्या
रोहन हा सर जे.जे. मार्ग रुग्णालयाच्या आवारातील अपना बॉईज वसतिगृहातील खोली क्रमांक १९८ मध्ये राहत होता. तो वैद्यकीय पदवी अभ्यासक्रमाच्या (एमबीबीएस) तिसर्या वर्षांत तो शिक्षण घेत होता. त्याने राहत्या खोलीतील पंख्याला नायलॉनची दोरी बांधून गळफास घेतला. त्याच्या या आत्महत्येमुळे प्रजापती कुटुंबावर दु:खाचा डोंगर कोसळला आहे.
eduvarta@gmail.com 
एज्युवार्ता न्यूज नेटवर्क
मुंबई येथील जेजे रुग्णालय (JJ Hospital Mumbai) आणि वैद्यकीय महाविद्यालयातून धक्कादायक माहिती समोर आली आहे. येथील एका विद्यार्थ्याने राहात असलेल्या वसतिगृहातील खोलीत आत्महत्या (Student suicide) केली आहे. या प्रकरणामुळे संपूर्ण महाविद्यालयात खळबळ उडाली आहे. रोहन प्रजापती (Rohan Prajapati) (वय २२ वर्षे) असे मृत तरुणाचे नाव आहे. त्याने आत्महत्या का केली, त्याचे कारण अद्याप स्पष्ट झाले नाही.
पोलिसांनी दिलेल्या माहितीनुसार, रोहन हा सर जे.जे. मार्ग रुग्णालयाच्या आवारातील अपना बॉईज वसतिगृहातील खोली क्रमांक १९८ मध्ये राहत होता. तो वैद्यकीय पदवी अभ्यासक्रमाच्या (एमबीबीएस) तिसर्या वर्षांत तो शिक्षण घेत होता. त्याने राहत्या खोलीतील पंख्याला नायलॉनची दोरी बांधून गळफास घेतला. त्याच्या या आत्महत्येमुळे प्रजापती कुटुंबावर दु:खाचा डोंगर कोसळला आहे.
सध्या परीक्षा झाल्यामुळे विद्यार्थ्यांना सुट्ट्या असल्यामुळे काही विद्यार्थी हे आपल्या घरी गेले आहेत, त्यामुळे वसतिगृहामध्ये फारशी वर्दळ नाही. आत्महत्ये दिवशी रोहन प्रजपती याने महाविद्यालयातील आपल्या एका सहकाऱ्याला फोन करून वसतिगृहाच्या त्याच्या खोलीमध्ये कोणी आहे का याबाबत विचारणा केली. त्यानंतर आतून खोली बंद करून त्याने गळफास लावून घेतला. काही वेळाने त्याचे मित्र खोलीजवळ आल्यावर रोहन दार उघडत नसल्याने त्यांनी खिडकीतून पाहिले. त्यावेळी रोहन याने गळफास घेतल्याचे दिसले. त्यांनी तातडीने दरवाजा उघडत रोहनला सीपीआर देऊन आपत्कालीन विभागात दाखल केले. तेथील डॉक्टरांनी वैद्यकीय तपासणी करून प्रजापती याला मृत घोषित केले.
