जेईई ॲडव्हान्स्ड परीक्षा अर्जास या तारखेपासून सुरूवात...

संयुक्त प्रवेश परीक्षा प्रगत परीक्षेसाठी अर्ज भरण्याची प्रक्रिया 23 एप्रिल 2025 पासून सुरू होईल आणि 2 मे 2025 पर्यंत चालेल. परीक्षेसाठी शुल्क जमा करण्याची अंतिम तारीख ५ मे २०२५ आहे. परीक्षेसाठी प्रवेशपत्र 11 मे 2025 रोजी प्रसिद्ध केले जातील. तर हॉल तिकीट अधिकृत वेबसाइटवर प्रसिद्ध केले जातील.

Dec 21, 2024 - 15:47 Updated: Dec 23, 2024 - 13:07

जेईई ॲडव्हान्स्ड परीक्षा अर्जास या तारखेपासून सुरूवात...

एज्युवार्ता न्यूज नेटवर्क

जेईई ॲडव्हान्स्ड (JEE Advanced) परीक्षेची तयारी करत असलेल्या विद्यार्थ्यांसाठी एक महत्वाची माहिती समोर आली आहे. या परीक्षेसाठी अर्ज करण्याची प्रक्रिया ((The application process) 23 एप्रिल 2025 पासून सुरू होणार आहे. परीक्षेसाठी अर्ज करण्यास इच्छुक आणि पात्र उमेदवारांना विहित कालावधीत अधिकृत वेबसाइट https://jeeadv.ac.in/ ला भेट देऊन अर्ज करू शकतात.

आयआयटी कानपूरने (IIT Kanpur) प्रसिध्द केलेल्या वेळापत्रकानुसार, संयुक्त प्रवेश परीक्षा प्रगत परीक्षेसाठी अर्ज भरण्याची प्रक्रिया 23 एप्रिल 2025 पासून सुरू होईल आणि 2 मे 2025 पर्यंत चालेल. परीक्षेसाठी शुल्क जमा करण्याची अंतिम तारीख ५ मे २०२५ आहे. परीक्षेसाठी प्रवेशपत्र 11 मे 2025 रोजी प्रसिद्ध केले जातील. तर हॉल तिकीट अधिकृत वेबसाइटवर प्रसिद्ध केले जातील.

JEE Advanced 2025 परीक्षा 18 मे 2025 रोजी घेतली जाणार आहे. प्रवेश परीक्षेत पेपर १ आणि २ असे दोन पेपर असतील. परीक्षेचा कालावधी तीन तासांचा असेल. पेपर 1 सकाळी 9 ते दुपारी 12 या वेळेत होणार आहे. तर पेपर २ दुपारी अडीच ते साडेपाच या वेळेत होईल.

या परीक्षेसाठी अर्ज करणाऱ्या सर्व प्रवर्गातील महिला उमेदवार आणि SC, ST आणि PWD उमेदवारांना 1600 रुपये शुल्क भरावे लागेल. याशिवाय इतर सर्व उमेदवारांना 3200 रुपये शुल्क भरावे लागणार आहे.

आयआयटी कानपूरने जारी केलेल्या माहिती पुस्तिकेनुसार, परीक्षेच्या दिवशी उमेदवारांना वैध फोटो ओळखपत्रासह प्रवेशपत्र सोबत बाळगावे लागेल. यामध्ये ड्रायव्हिंग लायसन्स, व्होटर आयडी, पासपोर्ट, पॅन कार्ड यासारख्या कोणत्याही कागदपत्रांचा समावेश आहे. उमेदवारांना परीक्षेसाठी फक्त 2 संधी दिली जातील. यासंबंधी अधिक माहितीसाठी, उमेदवार अधिकृत वेबसाइटला भेट देऊ शकतात.