एका दिवसात 50 हजार रोपे लावण्याचा गिनीज वर्ल्ड रेकॉर्ड

एज्युवार्ता न्यूज नेटवर्क 

रायन ग्रुपने (Ryan Group) रोटरी क्लबच्या (Rotary Club) सहकार्याने तरुणांमध्ये पर्यावरणाची देखरेख वाढवण्याच्या उद्देशाने महत्त्वाकांक्षी हरित उपक्रमाची घोषणा केली आहे.  द्वारका येथील यशोभूमी कन्व्हेन्शन सेंटरच्या ब्रह्मकमल हॉलमध्ये  झालेल्या कार्यक्रमात रायन ग्रुप ऑफ इन्स्टिट्यूशन्सचे मुख्य कार्यकारी अधिकारी रायन पिंटो, (Ryan Pinto, CEO of Ryan Group of Institutions) रोटरी इंटरनॅशनलचे अध्यक्ष फ्रान्सेस्को अरेझो, रोटरी इंटरनॅशनलचे संचालक फ्लाइट लेफ्टनंट के.पी. नागेश आणि श्री. रविशंकर डाकोजू, जिल्हा गव्हर्नर इलेक्ट (बंगळुरू) यांनी वृक्षारोपण मोहिमेचा प्रारंभ केला.

एका दिवसात 50 हजार रोपे लावण्याचा गिनीज वर्ल्ड रेकॉर्ड करण्याचा प्रयत्न करणाऱ्या ऐतिहासिक वृक्षारोपण मोहिमेचा प्रारंभ केला. जून 2026 ते मे 2027 या कालावधीत देशभरात रायन विद्यार्थ्यांच्या नेतृत्वाखाली देशभरात 10 लाख झाडे लावण्याचे मोठे उद्दिष्ट आहे.

रायन ग्रुपच्या सुवर्ण महोत्सवी वर्षानिमित्त रायन ग्रुप ऑफ इन्स्टिट्यूशन्सचे मुख्य कार्यकारी अधिकारी रायन पिंटो  म्हणाले, "रायन ग्रुपची 50 वर्षे साजरी करत असताना आम्हाला आमचे संस्थापक डॉ. ए. एफ. पिंटो आणि डॉ. मॅडम ग्रेस पिंटो यांच्या दूरदृष्टीची आठवण होते. रोटरी क्लबसोबतचे आमचे सहकार्य शाश्वतता आणि संवर्धनासाठी आमची दीर्घकालीन वचनबद्धता मजबूत करण्याच्या दिशेने एक महत्त्वाचे पाऊल आहे. या वृक्षारोपण मोहिमेद्वारे, आम्ही आमच्या विद्यार्थ्यांना पृथ्वीचे सक्रिय संरक्षक बनण्यासाठी आणि भविष्यातील पिढ्यांसाठी स्वच्छ, हरित जगाला आकार देण्यास मदत करण्याची आशा करतो."

रोटरी इंटरनॅशनलचे अध्यक्ष फ्रान्सेस्को आरेझो म्हणाले, "रोटरी क्लबला रायन ग्रुपसोबत भागीदारी केल्याचा अभिमान आहे. आपल्या ग्रहाचे संरक्षण करण्यासाठी तरुण लोक कसे पुढाकार घेऊ शकतात. हे दाखवताना आम्हाला आनंद होत आहे. एका दिवसात 50 हजार रोपे लावून आणि देशभरात 10 लाख झाडांचे उद्दिष्ट गाठून, आम्ही केवळ एक विक्रम प्रस्थापित करत नाही तर अधिक हरित आणि अधिक एकसंध भविष्याची मुळे पेरत आहोत. 

रोटरी इंटरनॅशनल - बेंगळुरू चे जिल्हा गव्हर्नर श्री रविशंकर डकोजू म्हणाले, " रोटरी-रायन भागीदारी अर्थपूर्ण कृतीद्वारे समुदायांना सक्षम बनवण्याच्या आमच्या ध्येयाशी सुंदरपणे जुळते. बंगळुरू, पुणे आणि हैदराबादमधील  सर्व शहरांमध्ये हा उपक्रम आकाराला येत आहे. तरुण मने पर्यावरण बदलाचे उत्प्रेरक कसे असू शकतात हे दर्शविते. एकत्रितपणे, आपण हरित, अधिक जबाबदार भविष्याची बीजे पेरत आहोत,"