IBPS RRB clerk व MPSC परीक्षा एकाच दिवशी, नाना पटोलें यांनी सुनावले खडेबोल..
IBPS RRB clerk परीक्षा 25 ऑगस्ट ला नियोजित असताना सुद्धा आपण त्याच दिवशी समाजकल्याण व इतर मागास बहुजन कल्याण परीक्षा कशी जाहीर करू शकतात?, असे काँग्रेस प्रदेशाध्यक्ष नाना पटोले म्हणाले.
eduvarta@gmail.com 
एज्युवार्ता न्यूज नेटवर्क
आपण परीक्षा वेळापत्रक जाहीर (Schedule of two exams on the same day) करताना त्यादिवशी उमेदवारांच्या इतर परीक्षा आहेत का ? या मूलभूत गोष्टीची पडताळणी सुद्धा करत नाहीत, याचे आश्चर्य वाटत आहे. समाजकल्याणची जाहिरात प्रसिद्ध झाल्यानंतर तब्बल एक वर्षाने आपण परीक्षेची तारीख जाहीर केली. IBPS RRB clerk परीक्षा (IBPS RRB clerk exam) 25 ऑगस्ट ला नियोजित असताना आपण त्याच दिवशी समाजकल्याण व इतर मागास बहुजन कल्याण परीक्षा (Social Welfare and Other Backward Bahujan Welfare Examination) कशा जाहीर करू शकता? असा प्रश्न उपस्थित करत काँग्रेस प्रदेशाध्यक्ष नाना पटोले (Nana Patole) यांनी आपल्या 'एक्स' या सोशल मिडिया अकाउंटवर पोस्ट शेअर करत राज्य सरकारसह एमपीएससीला (State Government and MPSC) खडेबोल सुनावले आहेत.
मराठा आरक्षणासंदर्भात योग्य त्या बाबींची वेळीच तरतूद व पूर्तता आपण न केल्यामुळे आधीच तीन वेळेस postpone झालेली परीक्षा तारीख सुद्धा आपण 25 ऑगस्ट दिली. 25 ऑगस्ट ला IBPS Clerk exam नियोजित आहे, हे आपणास माहित नव्हते काय? ज्या दिवशी आपण 18 ऑगस्ट व 25 ऑगस्ट या दोन तारखा जाहीर केल्या. त्यादिवशी पासून हजारो उमेदवार आपल्याला वारंवार IBPS परीक्षा व MPSC परीक्षा overlap होत आहेत. हे निदर्शनास आणून देत आहोत. तरीही आपण त्याकडे मुद्दाम दुर्लक्ष करत आहात.
गोरगरीब विद्यार्थ्यांची ही पिळवणूक कशासाठी? केंद्राच्या परीक्षा नियोजित असताना जाणूनबुजून त्याच दिवशी MPSC च्या परीक्षा ठेवण्याचे षडयंत्र कुणाचे? सरकारचे की MPSC आयोगाचे? उमेदवारांचा परीक्षा देण्याचा अधिकार आपण कसा काय हिरावून घेऊ शकता? यासांरखे एक ना अनेक सवाल करत पटोले यांनी सरकार आणि आयोगाल चांगलेच धारेवर धरले आहे. महाराष्ट्राला बेरोजगारीच्या खाईत लोटून स्पर्धा परीक्षा उमेदवारांच्या जीवावर उठलेल्या असंवेदनशील सरकारने वरील बाबींची तात्काळ व गांभीर्याने दखल घ्यावी, अशी मागणी नाना पटोले यांनी केली आहे.
